Kush gënjen, Qendra e Menaxhimit të Kufijve në Kosovë apo mediat e Rilindjes?

9 Korrik 2023, 18:28, Aktualitet CNA

Kush gënjen, Qendra e Menaxhimit të Kufijve në Kosovë apo

Foto ilustruese

Sapo filloi përplasja e Albin Kurtit me Vuçiçin, menjëherë pasi kryetarët e zgjedhur të komunave qoftë në tre apo katër %, nga zgjedhjet e njohura ndërkombëtarisht në veri të Kosovës shkuan në zyrat e tyre, propaganda e Rilindjes filloi të sulmonte ashpër kryeministrin e Kosovës.

Dy ishin strategjitë.

Së pari, mungesa e respektit ndaj kryeministrit tonë të madhërishëm dhe e dyta se Kurti po bënte thirrje për të dëmtuar turizmin në vendin tonë dhe po hakmerrej duke bllokuar pikat e kalimit, duke bllokuar automjete e të tjera si këto.

Në fakt në një njoftim të bërë publik sot nga Qendra e Menaxhimit të Kufijve të Kosovës raportohet se ka pasur një ulje të flukseve dhe lëvizjeve në pikën e kalimit kufitar në Merdare.

Kuptohet pas tensioneve në veri përplasjet me forcat e policisë së Kosovës dhe ndërhyrjes së KFOR-it diçka e tillë është normale. Nga ana tjetër mediat e Rilindjes na thanë se dhe në Shqipëri po ndodhte e njëjta gjë.

Nuk po flitet për një fluks të madh hyrjesh nga Morina, por sot Qendra e Menaxhimit të Kufijve tha se ka një rritje të numrit të qytetarëve nga Kosova që lëvizin drejt Shqipërisë.

Pra e gjithë propaganda se ishin bllokuar kamionët, se u bëhej thirrje njerëzve të mos shkonin për turizëm në Shqipëri, se kjo bëhej me qëllim nga Kurti për inat të Edi Ramës, se ky i fundit nuk respektoi Edi Ramën e të tjera si këto, apo nuk e dëgjoi “babain” e kombit që kanë zgjedhur ndërkombëtarët e të tjera e të tjera, rezultuan të gënjeshtërta. Gjithçka që kanë raportuar mediat e Rilindjes doli një flluskë sapuni. Qendra e Menaxhimit të Kufijve të Kosovës, siç u raportua sot nga Insajder, tha se janë rritur numrat e qytetarëve të Kosovës që hyjnë në Shqipëri dhe janë ulur në Merdare, në veri të Kosovës.

A thua mediat e propagandës së kryeministrit tonë e kishin për pikën e Merdares, kishin hall për turizmin e Kosovës se sa shumë serbë po hynin e po dilnin nga Kosova apo kishin hallin e turizmit të Serbisë me shqiptarët e Kosovës.

E vërteta vonon, por nuk harron. Sërish propaganda doli hapur, më zbuluar se kurrë. Statistikat thonë të kundërtën e asaj që na tha propaganda e medias së oborrit të kryeministrit tonë, e cila hidhet në sulm sa herë ka një strategji ku veprimet e kreut të qeverisë duhet të jenë ato të të madhërishmit, të lavdishmit, të vetmit, të pacenueshmit, të pakundërshtueshmit, por shifrat dhe faktet hodhën poshtë propagandën e Rilindjes për të krijuar bindjen se Albin Kurti po dëmtonte turizmin në Shqipëri duke u bërë thirrje ai dhe të tijtë qytetarëve të Kosovës të mos vinin me pushime në jug apo në Adriatik apo të pengonte kamionët, mallrat dhe transportet e të tjera si këto.

Në fakt këto të gjitha rezultuan thjesht dhe vetëm gënjeshtra e radhës së mediave të propagandës së Rilindjes./ CNA