E fundit!

09:08 Aktualitet

Krimi që ka ndodhur me protestën

Qytetarët kanë të drejtë të protestojnë, rinia, familja. K...

Bashkia e Shkodrës nxjerr njoftimin/ Ndryshime në qarkullimin e mjeteve brenda qytetit

8 Korrik 2023, 19:08, Aktualitet CNA

Bashkia e Shkodrës nxjerr njoftimin/ Ndryshime në qarkullimin e

Nga dita e hënë në qytetin e Shkodrës do të ketë ndryshime në segmentet rrugore që automjetet mund të ndjekin.

Bashkia e Shkodrës bën të ditur se duke nisur nga dita e hënë në rrugën "Zogu l" (Parrucë - Xhabiej), lëvizja e mjeteve do të lejohet vetëm në drejtimin në dalje.

Sipas njoftimit, me një sens lëvizje do të jetë qarkullimi i mjeteve edhe në rrugën "Daut Boriçi" (Ura Dervishbeg) nga rrethrrotullimi tek sheshi "Isa Boletini" (Perash) deri tek rrethrrotullimi i Parrucës.

Po ashtu informohet se lëvizja e autobusëve të shërbimit urban do të jetë në njëjtin sens, si edhe për mjetet e tjera, duke u zhvendosur stacionet e udhëtarëve në drejtim të hyrjes në qytet në rrugën "Mehmet Pashë Plaku" (Perash) dhe në rrugën "Daut Boriçi" (Ura Dervishbeg).

Bashkia e Shkodrës nxjerr njoftimin/ Ndryshime në qarkullimin e

“Të nderuar bashkëqytetarë!

Me qëllim lehtësimin e qarkullimit brenda qytetit, duke filluar nga dita e hënë, datë 10. 07.2023 do të ketë ndryshime të sensit të lëvizjes së automjeteve në dy rrugë.

1. Në rrugën "Zogu l" (Parrucë - Xhabiej), lëvizja e mjeteve do të lejohet vetëm në drejtimin në dalje.

2. Me një sens lëvizje do të jetë qarkullimi i mjeteve edhe në rrugën "Daut Boriçi" (Ura Dervishbeg) nga rrethrrotullimi tek sheshi "Isa Boletini" (Perash) deri tek rrethrrotullimi i Parrucës.

Në këtë ndryshim, në drejtimin e lëvizjes, përfshihet edhe shërbimi i transportit urban në qytet.

Lëvizja e autobusëve të shërbimit urban do të jetë në njëjtin sens si edhe për mjetet e tjera, duke u zhvendosur stacionet e udhëtarëve në drejtim të hyrjes në qytet në rrugën "Mehmet Pashë Plaku" (Perash) dhe në rrugën "Daut Boriçi" (Ura Dervishbeg).

Vendstacionet e reja do të jenë

1. Rrethrrotullimi në hyrje.

2. Në rrugën "Mehmet Pashë Plaku" (Perash), në afërsi të shkollës "Kol Idromeno".

3. Në hyrje të sheshit "Isa Boletini".

Apelojmë të gjithë drejtuesit e mjeteve për respektimin e këtyre ndryshimeve që do të shoqërohen edhe me vendosjen e sinjalistikës përkatëse.

Ju falenderojmë për mirëkuptimin!”, njofton Bashkia Shkodër.