web counter
LEXO PA REKLAMA!

SHKARKO APP

App Store
Google Play

Presione, sulme dhe përpjekje/ Artan Fuga: Do të shfaq qëndrimin tim për një Akademi Shkencash në rolin e vet

9 Korrik 2023, 11:14, Aktualitet CNA
Presione, sulme dhe përpjekje/ Artan Fuga: Do të shfaq qëndrimin
Akademiku Artan Fuga

Akademiku Artan Fuga ka bërë me dije se ditën e nesërme do të jetë pjesë e diskutimeve në Komisionin e Medias dhe Edukimit për të dhënë kritikat dhe sugjerimet e tij mbi ndryshimet në Akademinë e Shkencave.

Në një njoftim për mediat, Fuga është shprehur se më në fund pas shumë presionesh, ndërhyrjesh politike dhe përpjekjesh do të shfaqë qëndrimin e tij për një akademi shkencash në rolin e vet.

“Njoftoj se jam ftuar zyrtarisht nga ana e Komisionit të medias dhe edukimit të Kuvendit të Shqipërisë nesër, e hënë, datë 10 korrik 23, ora 10 e 30, për të dhënë mendimet, kritikat dhe sugjerimet e mia përballë amendamenteve të propozuara për ndryshimin e Ligjit në fuqi mbi Akademinë e Shkencave, cilat synojnë të ndryshojnë mënyrën e zgjedhjes të drejtuesve të kësaj Akademie!

Publiku që dëshiron mund ta ndjekë edhe live në faqen e Kuvendit të Shqipërisë!

Pas shumë përpjekjesh, por edhe presionesh, përpjekjesh për të më mohuar të drejtat qytetare, pas shumë fyerjesh personale, duket se objektivi u arrit!

Qetësisht, por me vendosmëri, me respekt për deputetët, por pa u konformuar me asgjë që shkel ligjet, kritik, por pa asnjë sulm personal, larg meje kjo edukatë, do të shfaq të gjithë qendrimin tim për një Akademi Shkencash në rolin e vet, për të mos u pajtuar me ndërhyrje politike në emër të kontrollit të akademikëve nga politika, si edhe për të mbrojtur nderin dhe dinjitetin tim personal dhe të Akademikut si nocion!", shkruan Fuga./ CNA





Lajmet e fundit nga