“Ahmetaj s'është gjylja e madhe”/ Fundo zbërthen skemën, propaganda e grupit “demotivim”

10 Korrik 2023, 21:46, Aktualitet CNA

“Ahmetaj s'është gjylja e madhe”/ Fundo zbërthen

Gazetari Elvi Fundo ka zbërthyer nmbrëmjen e sotme propagandën e grupit të “demotivimit”, të përbërë nga gazetarë që paguhen nga njerëzit e inceneratorëve.

Fundo tha në emisionin e Çim Pekës se izh-zv.kryeministri Arben Ahmetaj nuk është “gjylja” e madhe, pasi afera e inceneratorëve është më e thellë nga ajo që raportohet.

Ai deklaroi se disa nga gazetarët e grupit të “demotivimit” janë takuar personalisht me Mirel Mërtirin, të cilësuar nga SPAK si “truri” i inceneratorëve.

“Nuk ka asgjë të papritur për ccështjen e zotit Ahmetaj. Të gjithë e kemi pritur. Ka qenë ccështje kohe. Ne kemi thënë që kur do plasë “gjylja” e madhe, por unë nuk mendoj se “gjylja” e madhe është Arben Ahmetaj. Unë si Arben Ahmetaj njoh pafund, nga opozita, te mazhoranca.

Për rastin e ccështjes së Arben Ahmetaj prej disa muajsh filloi një sulm i strukturuar kriminal ndaj meje dhe ndaj gazetarëve, përfshirë këtu Klodian Tomorrin dhe gazetarë të tjerë, përfshi dhe ju të Syri-t, dhe vazhdon. Është skema e propagandës që përdoret nga Rilindja për “demotivim”, kështu e kanë quajtur grupin kriminal të tyre, është grupi i “demotivimit”. Disa prej gazetarëve të përfshirë në këtë grup kriminal, që në fakt duhet të hetohet nga SPAK, në fakt janë njerëz që paguar nga inceneratorët, disa prej tyre kanë fluturuar edhe në Vjenë e kanë takuar Mirel Mërtirin, unë këtë e kam denoncuar publikisht.

Arben Ahmetajn unë e njoh si gazetar, thjeshtë dhe vetëm kaq. Unë denoncimet i kam filluar që në vitin 2015 dhe fillojnë nme ccështjen e matësave të ujit në Korccë, pasi kanë fituar një tender 3.3 milionë euro në Ujesjellësin e Korccës që mu duk e frikshme dhe kam 7-8 vite që unë i denoncoj. Kam pasur dhe oferta për blerjen e ëebit, kërcënime e të tjera si këto. Në rast se unë do ta kisha Arben Ahmetajn mik dhe Arben Ahmetaj qe ‘truri’ i inceneratorëve, përse vazhdova unë? Vërteton të kundërtën.

Ka dy strategji mediatike që janë përdorur, ose 3 më mirë. Fillimisht, banda e inceneratorëve, ‘truri’ i tyre Mirel Mërtiti, grupi i strukturuar kriminal i inceneratorëve që për mua duhet të hetohen si grup kriminal, pranuan këtu denoncimet e mediave, përfshirë këtu TPZ-në, dua të përmend në mënyrë të veccantë BIRN-in, nuk dua të përjashtoj Klodiana Lalën, as Syri-n dhe disa media të tjera. Një punë shumë të mirë ka bërë edhe PD-ja e Lulit për dy-tre muaj dhe pastaj pushoi. Pasi iku zoti Lefter Koka nga grupi parlamentar i LSI-së, u intensifikua lufta, në 2020-ën PD-ja nxori më shumë denoncime”, u shpreh gazetari.

Fundo theksoi se strategjia e këtij grupi është që për aferën e inceneratorëve të fajësojën ish-zv.kryeministrin dhe deputeten Monika Kryemadhi.

Sipas tij, ata kanë si qëllim që çështjen ta mbyllin me Ahmetajn dhe Klodian Zoton.

“Dhe strategjia ka qenë shumë e thjeshtë: Do themi publikisht Monika Kryemadhi, Arben Ahmetaj i bënë inceneratorët me Klodian Zoton. Që t’i vënë kapakun dhe t’i mbyllin hetimet me Ahmetajn dhe Zoton. Dhe se e ka bërë Monika korrupsionin, etj. Dhe çdo gazetar që del e flet publikisht si Klodiana Lala apo Klodian Tomorri sulmohen mediatikisht duke thënë i ka blerë Arben Ahmetaj, i paguajnë paratë e korrupsionit të Monikës. Nga ana tjetër, televizionet që janë në ortakëri dhe marrin paratë e inceneratorëve, bëjnë emisione se sa i bukur është inceneratori i Fierit që nuk punon, sa i bukur është inceneratori i Tiranës që nuk ekziston. Janë fiks si rasti i historisë së ‘mbretit lakuriq’”, nënvizoi ai./ CNA.al