LEXO PA REKLAMA!

SHKARKO APP

Tradhtoi kauzën e artistëve/ Basha “qan” për Teatrin

17 Maj 2022, 07:30, Politikë CNA
Tradhtoi kauzën e artistëve/ Basha “qan” për Teatrin

Ish-kryetari i Partisë Demokratike, Lulzim Basha, në mes të shumë kauzave që braktisi apo tradhtoi rrugës, ishte edhe beteja e artistëve për Teatrin Kombëtar.

Lulzim Basha tha se Teatri Kombëtar do të shembej vetëm nëse kalonin mbi trupin e tij. Por, Teatri u shemb, ndërsa Basha flinte i qetë në shtëpinë e tij.

Por, sot Lulzim Basha është kujtuar sërish dhe bën sikur i ?djeg barku? shumë për Teatrin Kombëtar.

?Prej dy vitesh teatri është një plagë e hapur në zemër të Tiranës. Një plagë që sëmbon prej mosarsyeve që e shkaktuan atë dhe që janë të njëjtat me ato që e kanë mbajtur peng vendin këto 9 vite: arroganca, korrupsioni, klientelizmi, paratë e krimit dhe armiqësia e verbër ndaj trashëgimisë kulturore.

Sot ai shesh, i zhveshur dhunshëm nga historia e tij, është një tjetër vijë ndarëse midis qytetarëve që duan një Shqipëri demokratike dhe një pakice që shkatërron, plaçkit, uzurpon një nga institucionet më të shenjta të kombit? -shkruan Basha në rrjetet sociale.

Më tej, ai vijon të tentojë t?iu hedhë hi syve artistëve, të cilët i tradhëtoi dhe i la vetëm, pasi kishte nënshkruar edhe një marrëveshje me ta.

?Mirënjohje të thellë për artistët, qytetarët dhe qëndrestarët që nuk u pajtuan kurrë me marrëzinë e një regjimi që dialogun e kryen me fadroma dhe dhunë shtetërore. Gjykata Kushtetuese provoi se beteja në mbrojtje të Teatrit Kombëtar ishte e drejtë dhe tani është koha që drejtësia të shkojë deri në fund, duke nxjerrë përpara përgjegjësive ata që barbarisht sulmuan kulturën, qytetarinë dhe trashëgiminë tonë të përbashkët.? -përfundon postimin e tij Lulzim Basha./CNA.al

Lajmet e fundit nga