LEXO PA REKLAMA!

SHKARKO APP

Përfundon afati i dorëzimit të propozimeve/ PS-PD asnjë emër për presidentin e ri, nesër mbahet raundi i parë

15 Maj 2022, 14:20, Politikë CNA
Përfundon afati i dorëzimit të propozimeve/ PS-PD asnjë

Në orën 16:00 është përmbyllur zyrtarisht afati për të dorëzuar propozimet për emrin e ri të kreut të shtetit.

Kuvendi i Shqipërisë ka njoftuar se ende nuk ka asnjë kandidaturë të regjistruar, ndërsa nesër në orën 17:00 do të mbahet edhe raundi i parë për të zgjedhur pasuesin e Ilir Metës.

Socialistët i mbajnë ende diskretë emrat e propozuar në zarfe, ndërkohë që opozita është e përfshirë në dy grupe paralele negociatorësh të cilët do të kenë si qëllim nxjerrjen e një apo disa kandidaturave konsensuale që do të kërkonin edhe votat e shumicës.

Megjithatë, raundin e parë për Presidentin, socialistët dhe demokratët janë duke e konsumuar pa asnjë kandidat.

Kushtetuta ka parashikuar që tri raundet e para të zhvillohen me 84 vota, ndërsa në dy raundet e fundit Presidenti i Republikës mund të zgjidhet me shumicë të thjeshtë, ku mazhoranca i ka votat e mjaftueshme për ta zgjedhur e vetme Presidentin.

Taulant Balla deklaroi pas negociatave këtë fundjavë se qëllimi i PS-së është të shkojë drejt një emri konsensual me opozitën, ndërkohë që aleatët e PD-së kërkojnë që ndryshe nga propozimi i Enkelejd Alibeajt, kreu i ri i shtetit të jetë një profil politik./CNA.al

Lajmet e fundit nga