LEXO PA REKLAMA!

SHKARKO APP

Rrogë e ulët dhe jetë luksi?/ Rama bën paralajmërimin e fortë

16 Maj 2022, 09:50, Politikë CNA

Kryeministri Edi Rama, gjatë një konference në kuadër të ecurisë së punës së Njësisë Speciale Antiinformalitet, ka bërë paralajmërime të forta.

Ai paralajmëroi nisma ligjore lidhur me këtë fenomen, ndërsa shtoi se edhe në Këshillin Kombëtar kishte mbështetje për sa i përket hetimit të evazionit fiskal.

Sipas Ramës për mbështetje për forcimin e masave antievazion ishte mbi 60%.

?Nuk mund të deklarosh të ardhura kaq. Dhe të shikosh e të kesh shtëpi e makina që nuk mund të bëhen kurrë me ato të ardhura. Edhe në Këshillin Kombëtar për evazionin fiskal ishte i lartë. Do e kthejmë në masa ligjore.? -tha Rama.

Po ashtu, Rama tha se nuk gjen arsye se përse bizneset nuk deklarojnë të plota pagesat për punëmarrësit, pasi sipas tij, taksat në vendin tonë janë më të ulëtat në Rajon dhe Evropë.

Ai tha që bizneset dhe sektorët e ndryshëm në vend të vetërregullohen e të mos presin që t?i shkojë kontrolli, pasi do të ndëshkohen.

?Këto do i diskutojmë me komunitetin. Qoftë ndërhyrjen e re me ligj për profesionet e lira. Qoftë për shtrëngimin e masave kundër informalitetit dhe për mbrojtjen më të fortë të punëmarrësve të cënuar nga punëdhënësi. Do t?i konsultojmë me ju, komunitetin e biznesit, me profesionistët e lirë për të kuptuar se ku janë pikat e takimit. Natyrisht që një pjesë e tyre, janë arsyeja se përse ne po ndërhymë. Nga ana tjetër, duhet të kemi një dialog sa më gjithëpërfshirës. Elementi tjetër është që së shpejti do të avancojmë në politikë tjetër për personat me ndihmë ekonomike. Po e përsëris, objektivi është që bashkërisht të punojmë për të rritur dinjitetin dhe respektin për njerëzit që bëjnë një punë dhe meritojnë të marrin atë që u takon për sot dhe nesër.”-deklaroi Rama./CNA.al

Lajmet e fundit nga