LEXO PA REKLAMA!

SHKARKO APP

“Jam në rrugën time”/ Ibsen Elezi u përgjigjet kritikëve, mesazhi për Doktorin

16 Maj 2022, 12:07, Politikë CNA
“Jam në rrugën time”/ Ibsen Elezi u përgjigjet

Kandidati për kryetar të PD-së, Ibsen Elezi, u është përgjigjur kritikëve në lidhje me garën e tij, përballë ish-kryeministrit Sali Berisha.

Në një postim në rrjetet sociale, ai thekson se kjo është një rrugë e nisur që në Kuvendin e prillit, 2018.

Po ashtu, ai shkruan se kjo është një betejë, për disa parime themelore, që sipas tij po nëpërkëmbeshin në PD.

Gjithashtu ai i ka drejtuar edhe një mesazh Berishës, për të cilin thotë se është një nga ata që nuk e kuptoi në 2018-ën dhe as në 2021-shin.

?Për një kategori dashamirësish që vazhdojnë të më pyesin pse kam hyrë në garë.

E para unë rrugëtimin tim publikisht për disa parime themelore që po nëpërkëmbeshin në PD e kam filluar që në Kuvendin e 28 prillit 2018.

Nëse dikush do të ishte në garë për ato parime do e mbështesja patjetër.

Meqenëse të gjithë refuzuan për kushtet e pabarabarta duke e parë veç në aspektin individual të fitores, u detyrova të vazhdoja rrugën time për t’u përballur me thyerjen e parimeve, individet që i thyejne, si dhe mënyren se si duhet t’i riparojmë.

Pra, jam në një rrugë të nisur prej shumë kohësh për të ndaluar shkatërrimin e Partisë Demokratike.

Atyre që më kanë kuptuar dhe më kuptojnë dhe po më mbështesin i falënderoj.

Atyre që s’më kuptojnë, siç nuk më “kuptonin”, bashkë me Doktorin në 2018-ën apo 2021-shin, ju them të pushojnë të paktën deri më 22 maj, se do ta kuptojnë me vonesë si gjithmonë.?-shkruan Ibsen Elezi./CNA.al

Lajmet e fundit nga