web counter
LEXO PA REKLAMA!

SHKARKO APP

App Store
Google Play

E fundit!

x

Shkrimi i gazetës austriake për Metën/ Kryemadhi: Sponsorizim nga Gugallja dhe Mërtiri

16 Maj 2022, 19:45, Politikë CNA

Gazeta austriake ?Kronen Zeitung?, denoncoi sot se presidenti Ilir Meta ka paguar 700,000 mijë dollarë për lobim përmes një kompanie qipriote guackë, që të siguronte një foto në ceremoninë e inaugurimit të Presidentit Amerikan Donald Trump.

Për këtë lajm ka reaguar pak më parë kryetarja e LSI-së, Monika Kryemadhi, e cila ngriti akuzat se pas këtij shkrimi qëndron grupi i inceneratorëve, Stela Gugallja dhe Mirel Mërtiri.

?Mua më vjen shumë keq që emisioni juaj që ka vajtur në Gjykatë Kushtetuese dhe që është televizion opozitar e ul nivelin për të nxjerrë një fletushkë, e cila nuk merr përsipër as për të vendosur emrin e shkruesit të artikullit dhe tjetra ajo çka dua të theksoj është se grupi i Vjenës, për të cilën Stela Gugallja, Mirel Mërtiri dhe të gjithë të kërkuarit e çështjes?

Grupi i Vjenës? sigurisht për grupin e inceneratorëve po flas, të cilët jetojnë në Vjenë, paguajnë shtëpi të shtrenjta dhe shkolla të shtrenjta për fëmijët e tyre me para të cilat janë të fituara nga inceneratorët, të subvencionuara dhe nxira nga zyra e shtypit të kryeministrit Edi Rama dhe si gjithmonë, sa herë vjen, është në grahmat e fundit të një sulmi që mund të ndodhë së shpejti se dosja e inceneratorëve sa vjen dhe shtohet me dokumente të pakundërshtueshme se ju e dini që zoti Rama është mësuar ta kontrollojë dhe kërcënojë drejtësinë?, u shpreh ajo në ?Çim Peka Live?, ndërsa nuk i kurseu as akuzat për kryeministrin Edi Rama.

“Unë vazhdoj t’i bëj thirrje përsëri grupit të Vjenës që të vazhdojë të kërkojë sepse do të bëjë shumë mirë se mjaftojnë të kthejnë në lojë Monikën akoma më shumë. Çdo ditë që ne flasim, çështja e inceneratorëve do të pasurohet me dokumente të tjera me firmë dhe me vulë. Pse e them këtë? E them këtë për shkakun se çështja e inceneratorëve, sado që Rama të bërtasë, e dëgjuat sot besoj kryeministrin që bërtiste që do të verifikonte jetën e luksit të shqiptarëve që kanë paga minimale. Harron Rama që shqiptarët sot pjesa më e madhe e tyre vishen me rroba të përdorura, është një nga bizneset më të zhvilluara, më shumë se buka që hanë shqiptarët?, vijoi Kryemadhi.

Kyetarja e LSI-së gjithashtu denoncoi sërish aferat që lidhen me inceneratorët dhe dha një mesazh për kreun e qeverisë.

?Dhe tjetra, unë po i bëj thirrje përsëri, është një çift nga Rubiku që kompania e inceneratorëve i ka dhënë 9 milionë dollarë në 1 vit me paratë e koncesioneve, me paratë e shqiptarëve, ku vetëm evazioni fiskal është 1.8 milionë dollarë, për të thonë që të gjitha kompanitë e Stela Gugallja dhe Klodin Zotos është 25 milionë euro. Ky është evazioni fiskal, kjo është paraja e shqiptarëve me të cilat paguhen shkrime nëpër këto fletushkat e mediave të ndryshme. Nuk ka asnjë lloj problemi, përkundrazi bëhemi të famshëm kudo që jemi. I them zotit Rama, ato para që  paguan për shkrimet kundër Monika Kryemadhit dhe Ilir Metës do të ishte shumë më mirë t’ia jepte ndonjë socialisti të papunë të cilëve u ka dalë shpirti duke mbledhur vota për grupin e inceneratorëve të Edi Ramës“, theksoi Kryemadhi./ CNA.al

A e stisi Mirel Mërtiri dhe Stela Gugallja shkrimin kundër Metës?

Afera 700.000$ e presidentit shqiptar/ Gazeta austriake denoncon skandalin, kërcënohet me jetë personi që zbuloi faktet





Lajmet e fundit nga