LEXO PA REKLAMA!

SHKARKO APP

Përfshihet nga zjarri masivi pyjor në Orenjë të Librazhdit/ Shkrumbohen tre hektarë me pyje

17 Mars 2022, 16:02, Kronika CNA
Përfshihet nga zjarri masivi pyjor në Orenjë të Librazhdit/

Një vatër zjarri ka përfshirë masivin pyjor të fshatit Neshtë në Njësinë Administrative Orenjë të Bashkisë së Librazhdit.

Nga zjarri janë djegur të paktën 3 ha pyje. Me gjithë ndërhyrjen e shpejtë të komunitetit, të shërbimit zjarrfikës dhe atij pyjor vënia nën kontroll e flakëve ka qenë mjaft e vështirë për shkak të mbizotërimit të erës së fortë dhe terrenit malor.

Vetëm gjatë pasdites u arrit të vihen nën kontroll të plotë flakët të cilat gjatë orëve të fundit kanë shkaktuar djegie sipërfaqësore.

Nga hetimi paraprak dyshohet se zjarri ka qenë i qëllimshëm dhe po punohet për identifikimin dhe arrestimin e autorëve.

 

Lajmet e fundit nga