LEXO PA REKLAMA!

SHKARKO APP

Strehonin emigrantë të paligjshëm/ Sekuestrohet arma e zjarrit, në pranga dy persona

16 Mars 2022, 07:58, Kronika CNA

Specialistët e Seksionit për Hetimin e Trafiqeve të Paligjshme, në bashkëpunim me Komisariatin e Policisë Gjirokastër dhe Seksionin Operacional kanë finalizuar me sukses operacionin policor të koduar “ROAD GUARD 8”.

Policia ka vënë në pranga dy persona të cilët pritnin dhe strehonin emigrantë të paligjshëm kundrejt fitimit. Të arrestuarit janë A. M., 51 vjeç dhe M. K., 28 vjeç, banues në fshatin Lazarat, Gjirokastër.

Arrestimi i tyre u bë pasi në bashkëpunim me njeri-tjetrin, në vendin e quajtur “Ish-Pularia”, në fshatin Lazarat, kanë pritur dhe strehuar kundrejt fitimit, 5 emigrantë të paligjshëm nga vendet MENA, të cilët kishin hyrë dhe qëndronin ilegalisht në Shqipëri, për të kaluar më pas në vendet e BE-së.

Gjatë kontrollit të ushtruar nga shërbimet e Policisë, në banesën e shtetasit A. M. u gjet 1 armë zjarri pistoletë dhe një sasi municioni luftarak.

Në cilësinë e provës materiale u sekuestruan arma e zjarrit, municioni luftarak, 1 automjet dhe 2 aparate celulare./CNA.al

Lajmet e fundit nga