Gjakmarrja shënon "kurbanin" e radhës/ Adoleshenti merr hakun e prindërve

24 Janar 2022, 12:02, Kronika CNA
Gjakmarrja shënon "kurbanin" e radhës/ Adoleshenti merr

Një 17 vjeçar ka vrarë sot me armë zjarri një 65 vjeçar në emër të gjakmarrjes.

Ngjarja e rëndë ka ndodhur në Manati të Lezhës, ku raportohet se 17 vjeçari e ka qëlluar të moshuarin ndërsa ky i fundit ndodhej në oborrin e tij

Sipas Policisë, krimi ka ndodhur për hakmarrje, pasi në vitin 2009, vëllai 65 vjeçarit Lekë Lekgjonaj, kishte vrarë babain e 17 vjeçarit.

Adoleshenti më pas ishte përballuar me humbjen e nënës, e cila ishte vetvrarë pasi largimit nga jetë të bashkëshortit të saj.

Më poshtë po sjellim njoftimin e Policisë.

“Policia e Lezhës neutralizon dhe vë në pranga në kohë rekord, një 17-vjeçar që kreu vrasjen e 65-vjeçarit, para pak minutash, në fshatin Manati të Lezhës. Sekuestrohet dhe arma e krimit. Shërbimet e DVP Lezhë dhe të Komisariatit të Policisë Lezhë, menjëherë pas marrjes së njoftimit se në fshatin Manati kishte të shtëna me armë zjarri, kanë shkuar menjëherë në vendin e ngjarjes.  Falë reagimit profesional e të menjëhershëm është bërë i mundur neutralizimi dhe kapja e 17-vjeçarit F. P. 17-vjeçari, rreth orës 12:00, në rrethana ende të paqarta dyshohet se vrau me armë zjarri shtetasin L. L., 65 vjeç, banues në Manati, dyshohet për motive hakmarrjeje.  Shërbimet e Policisë kanë sekuestruar dhe armën zjarrit pistoletë me të cilën dyshohet se 17-vjeçari kreu krimin. Grupi hetimor ndodhet në vendngjarje dhe vijon punën për sqarimin e rrethanave të ngjarjes../CNA.al

Lajmet e fundit nga