LEXO PA REKLAMA!

SHKARKO APP

E fundit!

x

“Dajaku tek 5 Maji është thjesht biznes”/ Gazetari zbulon skemën kriminale   

19 Janar 2022, 11:54, Aktualitet CNA

Nga Klodian Tomorri

Rindërtimi është ndoshta programi publik më solidar që është ndërmarrë ndonjëherë në Shqipëri. Eshtë një program ku qytetarët e një vendi bëhen bashkë dhe financojnë 700 e ca milionë euro apo ndoshta 1 miliardë (se shifrat aty prokurohen sipas qejfit dhe kanë dalëjashtë çdo kufiri), për të ndihmuar bashkëqytetarët e tyre që u goditen nga një fatkeqësi natyrore. Është program i paprecedenteë. Nuk ka rast të dytë në botë ku qytetarët të kenë treguar solidaritet në këtë shkallë, nëse e merr në raport Prodhimin Kombëtar.

Çfarë bën Qeveria?

Solidaritetin e kthen në represion. Këta janë qeveria e vetme në botë që mund ta bëjnë këtë. Kanë turrur xhandarët për të nxjerrë me dajak familjet nga banesat e tyre në lagjen 5 Maji.

Ato familje, që këta po i nxjerrin me forcë sot nga shtëpitë e tyre, kanë kontribuar për rindërtimin. Kanë paguar nga taksat e tyre që të ndihmonin familjet e prekura nga tërmeti të bëheshin me shtëpi. Por paskan paguar edhe të zezën e tyre.

Pse e bën qeveria kete?

Cfarë arsye ka që ta kthejë një program kaq solidar në gjëmë për qindra familje? Bën biznes. Gjithmonë kjo është arsyeja.

Aty tek 5 Maji janë prokuruar 62 milionë dollarë kontrata në kuader të rindërtimit nga Bashkia e Tiranës. Janë para të prokuruara me procedura ekstraligjore, me garë të cunguar. Fituesit e këtij lumi të madh parash janë oligarket më të mëdhenj të Shqipërisë, kompani trafikantësh dhe klientë të Qeverisë.

Ndaj po u vënë hurin njerëzve këta duke i nxjerrë me forcë nga shtëpitë . Duan të bëjnë biznes. Kanë lekë për të ndarë nëpër llogari. Kjo është arsyeja. Gjithmonë./CNA.al

Lajmet e fundit nga