web counter
LEXO PA REKLAMA!

SHKARKO APP

App Store
Google Play

E fundit!

x

‘Kemi paguar goxha para për Turqinë’/ Dash Shehi bën llogaritë, ‘i tërheq veshin’ Ramës

18 Janar 2022, 18:48, Aktualitet CNA

Kreu i LZHK, Dashamir Shehi, ka komentuar vizitën e presidentit turk Erdogan në vendin tonë.

Me tone kritike, ai shprehet se prezenca turke në politikën, ekonominë dhe shoqërinë shqiptare është e tepruar.

Sipas tij, Shqipëria jonë e vogël e ka dhënë të gjithë kontributin e nevojshëm në këtë lloj raporti, madje është disproporcionale, pasi bilanci tregter ccdo vit shkon minimalisht  rreth 50mio në favor të Turqisë.

Ndërsa sektorë strategjik në vendin tonë janë dominuar gjithashtu nga turqit.

“Unë kam vite që e them hapur, e kam thënë dhe para disa viteve në parlament, se gjykoj që prezenca turke në politikën, ekonominë dhe shoqërinë shqiptare është e tepruar. Dua t’i kujtoj shqiptarëve disa detaje, për ta bërë situatën më konkrete, për të treguar se Shqipëria jonë e vogël e ka dhënë të gjithë kontributin e nevojshëm në këtë lloj raporti.

Raporti është aq disproportional sa ne cdo vit kemi një bilanc tregtar me Turqinë, i cili minimalisht shkon rreth 50mio në favor të Turqisë. Imagjinoni në 30 vite? Ne blejmë 70mio në Turqi dhe shesim 20mio, ku 50mio të parave të shqiptarëve i shkojnë Turqisë.

E dyta, shumë sektorë strategjik në Shqipëri janë të dominuar nga turqit. Telekom, Banka Tregtare e cila është 40% e tregut, industritë minerare, industria energjitike, spitalet, sistemin arsimor e shumë sektorë të tjerë të biznesit në Shqipëri. Më duket se kemi paguar goxha para për Turqinë, prandaj duhet të reflektojmë më ndershmërisht për këtë realitet ekonomik.”/CNA.al





Lajmet e fundit nga