Si dështuan 10 operacione të FNSH-së dhe RENEA-s/ Emrat e të kërkuarve që i lanë me gisht në gojë

17 Janar 2022, 12:02, Kronika CNA
Si dështuan 10 operacione të FNSH-së dhe RENEA-s/ Emrat e të

10 operacione janë zhvilluar në qytetin e Elbasanit për kapjen e të shumëkërkuarve  Talo Çela, dhe Nuredin Dumani, të dy të akuzuar për disa vrasje të ndodhura në vendin tonë.

Burime për abcneës.al bëjnë me dije se operacionet janë zhvilluar nga FNSH dhe RENEA, por deri më tani nuk është gjetur asnjë gjurmë apo e dhënë për fshehjen e të dy shumëkërkuarve.

Sipas informacioneve mësohet se kontrollet janë zhvilluar në qytetin e Elbasanit, në Peqin dhe në njësinë Administrative  Luz të bashkisë së Kavajës.

Për shkak të dekonspirimit të aksionit policor, këto operacione janë mbajtur sekret nga autoritetet  vendore.

Ndër të tjera burimi i ka pohuar ABC-së, se të gjitha kontrollet në banesa ku dyshohen qe strehohen të shumë kërkuarit janë kryer me vendim Gjykate.

Ndërkohë kujtojmë se Talo Çela dhe Nuredin Dumani sëbashku me disa persona të tjerë akuzohen për vrasjen e bujshme të 2 marsit të 2020 të 2 vëllezërve Viktor dhe Besmir Haxhia dhe vrasjen e të rinjve Dorian Shkoza dhe Anxhelo Avdia./abc

Lajmet e fundit nga