Publikimi i të dhënave personale/ Zbardhen emrat e katër të arrestuarve

7 Janar 2022, 10:10, Kronika CNA
Publikimi i të dhënave personale/ Zbardhen emrat e katër të

Katër persona kanë rënë në pranga në lidhje me skandalin e publikimit të të dhënave personale të qytetarëve shqiptarë.

Ndërkohë mësohet se të arrestuarit janë Eni Qirjako, Andi Agaraj, Klodian Sota dhe Endri Ikonomi.

Kujtojmë këtu se Drejtuesja e Prokurorisë së Tiranës, Elisabeta Imeraj, në një deklaratë për mediat bëri të ditur se dy prej të arrestuave janë punonjës IT, tek Drejtoria e Përgjithshme e Tatimeve, ndërsa dy të tjerë janë përmbarues privatë.

Specialistja e IT Eni Qirjako e punësuar pranë AKSHI-t ka marrë listën e pagave dhe ia ka kaluar kolegut të saj Andi Agaraj i cili më pas e ka shitur atë te përmbaruesit privatë Klodian Sota dhe Endri Ikonomi.

Punonjësja e AKSHI-t i ka kaluar të dhënat në një USB të cilën ia ka dhënë kolegut të saj, i cili i ka shitur në këmbim të përfitimeve financiare./CNA.al

Lajmet e fundit nga