web counter
LEXO PA REKLAMA!

SHKARKO APP

App Store
Google Play

Rama ultimatum kompanive/ Keni afat deri 20 janar, do përballemi me ligjin

30 Dhjetor 2021, 10:30, Politikë CNA

Kryeministri Edi Rama, iu ka drejtuar një ultimatum të gjitha kompanive dhe bizneseve të vetërregullojnë deklarimet.

Në një konferencë për mediat, Rama theksoi se bizneset kanë afat deri në 20 janar të vetërregullojnë deklarimet, në të kundërt do të përballen me ligjin.

?Duke u ndalur tek publikimi i pagave. Pjesa kriminale i takon Prokurorisë.

Prokuroria po heton në mënyrë intensive. Unë besoj se së shpejti do kemi rezultate dhe kush e ka bërë do përgjigjet para ligjit.

Ndërkohë, në këndvështrimin më afatmesëm kjo ngjarje mund të quhet edhe se jo çdo e keqe vjen vetëm për keq.

Sigurisht që publikimi i të dhënave personale është e papranueshme.

Por, sot ka një pasqyrë domethënëse në sytë e të gjithë shqiptarëve, dhe askush nuk do mund të thotë më se po sulmojmë askënd, duke filluar nga mediat, duke filluar nga pagat tuaja.

Nuk është një situatë kjo e ngjashme me atë që ka qënë më parë, por situata është e papranueshme.

Askush nuk thotë dot se po sulmojmë mediat, duke kërkuar që të gjitha kompanitë që japin paga fikstive të vetërregullojnë deklarimet deri në 20 janar.  

Në rast mos deklarimi dënohet me gjobë, por në rast evazioni dënohet me burg?-tha Rama./CNA.al





Lajmet e fundit nga