Skandali me të dhënat personale/ Si u hodhën në publik pagat, targat dhe numrat e telefonave

2 Janar 2022, 15:00, Politikë CNA
Skandali me të dhënat personale/ Si u hodhën në publik

Viti 2021 u mbyll me një skandal. Të dhënat e mijëra qytetarëve u bënë publike dhe të aksesueshme për këdo. Paga, vendi ku punon, ID, numri i telefonit apo targa e makinave tashmë nuk janë sekrete. Përmes një databaze të shpërndarë me shpejtësi në aplikacionin Whats app, çdo njëri prej nesh u bë më lehtë i identifikueshëm, u dha akses grupeve kriminale për falsifikim të të dhënave personale, por askush nuk mbajti përgjegjësi.

Por ky veprim tregon edhe se siguri kombëtare ka rënë. Një gjë të tillë e pohon edhe deputeti i PD Belind Këlliçi, i cili në një intervistë për CNA.al deklaroi se tashmë të gjithë e mësuan aftësinë e Edi Ramës për të bërë shtet.

?Po tashmë e njohin të gjithë Edi Ramën dhe sa aftësi ka ai për të bërë shtet.

Kanë dalë sheshit të gjitha. Cilido që pomponte idenë se Edi Rama bën shtet, tani e ka përgjigjen.

Siguria Kombëtare ka rënë. Të dhënat e shqiptarëve janë ekspozuar, janë sheshit.

Ka një arsyetim shumë të thjeshtë se përse dolën këto të dhëna. Që shqiptarët të kacafyten me njëri-tjetrin dhe jo me qeverinë. Që shqiptarët të merren me analistët, me biznesmenët por jo me politikanët. E njëjta taktikë funksionnn me vettingun në drejtësi. Shqiptarëve u jepet një armik, një tabelë qitjeje, që nuk është qeveria, që nuk janë pushtetarët, që nuk është Edi Rama.

Të dhënat mund t?i nxirrnin vetëm ata që i dispononin, e-Albania, Drejtoria e Përgjithshme e Tatimeve dhe AKSHI. Të gjitha këto janë institucione të shtetit shqiptar?, tha ai./E.K-CNA.al

Lajmet e fundit nga