Skandali me daljen e të dhënave personale/ Murrizi paralajmëron: Nëse hapet kjo dosje do ketë...

29 Dhjetor 2021, 16:05, Politikë CNA
Skandali me daljen e të dhënave personale/ Murrizi paralajmëron:

Skandali me daljen e të dhënave private, përfshirë ID, pagat apo targat e makinave, vijon të jetë në qendër të debatit, për faktin se nxorri në dritë rrogat e majme që merrnin personat mediatikë.

Referuar këtij skandali, ish deputeti Myslim Murrizi deklaroi se ky ishte kapaku i një pusete që ra erë, ndërsa paralajmëroi se nëse hapen dosjet e Sigurimit të Shtetit atëherë do të kuptohej fytyra e vërtetë e analistëve.

Në një postim në rrjetin social Facebook, Murrizi shkruan se llumi i vendit është maskuar si elitë e shoqërisë.

?U hap kapaku i një pusete dhe pothuajse qelbi dynjanë

Shqiptarët panë dhe morën vesh sesa paguhen fytyrat që dalin çdo natë nëpër ekrane dhe bëjnë moral, kritikojnë, shajnë e përçmojnë cilindo që nuk është pagues i rrogave stratosferike të kësaj tufe të pistë vemjesh.

Pastaj dolën targat dhe lloji i makinave që hajdutët e pushtetit dhe shërbëtorët e të gjithë pushteteve dispononin

Ehhhh sikur të hapen dosjet e sigurimit do të shihni çfare fundërrinash kanë qenë gjatë viteve të komunizmit këta që lehin nëpër studio prej 30 vitesh mender si të ? virgjër?

Po të hapen dosjet e sigurimit, do shihni çfarë fëlliqësirash kanë qenë dhe janë në Parlament, në Qeveri, në Shtet e Pushtet këto 30 vite gjoja mender demokraci

Të hapen dosjet e sigurimit dhe të bëhen publike si pagat apo targat e makinave, Shqiptarët duhet të mbajnë kundragaz 1 vit rresht se era e qelbur e haleve të këtij Vendi, në politikë, në media, në shtet e në pushtet do të kundërmoj mbytëse në çdo Familje Shqiptare

Shqiptarët do të shohin që llumbi i këtij Vendi, është maskuar si mender elita apo ajka e këtij Vendi?, shkruan Murrizi./CNA.al

Lajmet e fundit nga