LEXO PA REKLAMA!

SHKARKO APP

E fundit!

x

“Kontratat për inceneratorët do të vijojnë”/ Balluku: E pësojmë në arbitrazh

29 Dhjetor 2021, 12:56, Politikë CNA
“Kontratat për inceneratorët do të vijojnë”/

Ministrja e Infrastrukturës dhe Energjitikës, Belinda Balluku në një deklaratë për mediat, pas mbledhjes së sotme të Qeverisë, ndër të tjera ka folur edhe në lidhje me inceneratorët.

E pyetur për skandalin e aferës korruptive për inceneratorët, ku u arrestua ish ministri Lefter Koka dhe u shpallën në kërkim disa persona të tjerë, Balluku ka deklaruar se të gjitha kontratat do të vijojnë.

Sipas Ballukut deri në një kohë ku nuk ka një vendim gjyqësor lidhur me kontratën apo për personat që po zbatojnë kontrantën, procedurat do të vijojnë.

Ministrja ka shtuar se prishja e kontratës do të kishte kosto në arbitrazh, ndërsa ka theksuar se hetimet po vijojnë ende.

?Dua të qartësoj detyrat. Ne nuk gjykojmë dosje se ka entitetet gjyqësore. Nuk i gjykojmë dhe paragjykojmë. Ne zbatojmë kontratat. Ne nuk marrim përsipër asnjë që të gjykojmë dosjet dhe kjo kontratë nuk vazhdon se ka në përbërje persona në kërkim. Janë nën hetim dhe deri kur të merren vendime ligjore për persona apo kontrata ne do e zbatojmë kontratën. Nëse nuk do bëhej kjo, ne do i krijonim dëme Shqipërisë në arbitrazh. Pra ministritë që janë në zbatim të kontratave do i zbatojnë dhe do i respektojmë kontratat?- tha Balluku.

Lajmet e fundit nga