Kriza në PD/ Çipa: Qytetarët ishin të papërgatitur për betejën Basha-Berisha

29 Dhjetor 2021, 19:32, Politikë CNA
Kriza në PD/ Çipa: Qytetarët ishin të papërgatitur

Analisti Aleksandër Çipa është shprehur kritik sa i takon zhvillimeve të fundit në Partinë Demokratike.

Në një intervistë për emisionin Debat me Alba Alishanin në A2, Çipa deklaroi se PD si alternativë e vetme për rotacion politik duhet të ndryshojë formë.

?Natyra e politikbërjes në tranzicionin postkomunist ka qenë e shfaqur përmes patetikës dhe një retorike të kësaj natyre. Do të ishte mirë që PD, si alternativa e vetme për të garantuar rotacion, të ishte në një forme tjetër. Rikthimi i duelit midis të atit dhe të birit politik, ishte diçka për të cilin opinioni shqiptar nuk ishte i përgatitur.

 Në momentin që Berisha u shpall non grata nga Departamenti i Shtetit, rrjedhja e ngjarjes ishte e ndryshme nga ato që kishim menduar. PD nuk po shfaq një pjesë të njerëzishme të saj, për ofrimin e një alternative të tretë, për ato zëra që mund të jenë rezultantja bashkuese?, tha Çipa./E.K-CNA.al

Lajmet e fundit nga