Kur do të hetojë SPAK, kompanitë e Vjollca Hoxhës dhe Ben Blushit, në ortakëri me inceneratorët?!

28 Dhjetor 2021, 10:10, Denoncim CNA

Kur do të hetojë SPAK, kompanitë e Vjollca Hoxhës dhe Ben

Koncesioni i inceneratorëve në Shqipëri, është një ndër më të akuzuarit në Shqipëri. Një koncesion, i quajtur edhe si afera korruptive e shekullit.

CNA.al prej më shumë se një viti ka denoncuar, në një sërë shkrimesh investigative, koncesionet e inceneratorëve, një histori fillon në Elbasan me 22 milionë euro, shkon në Fier me 28 milionë euro, për të ardhur më pas në Tiranë, me një kontratë fillestare prej 128 milionë euro.

Bëhet fjalë, për disa qindra milion euro, ku ndërlidhen të njëjtët emra, të njëjtët personazhe, por me emra kompanish të ndryshme, të cilat fillojnë në Tiranë, përfundojnë në Maltë dhe në Hollandë.

Personazhe me emra të ndryshuar, dhe me të kaluar të dyshimtë. Të shumë akuzuar, por edhe kompanitë e tyre të lidhura me njëra-tjetrën, nuk mungojnë edhe ish-menaxher lokalesh, juristë, persona pa asnjë aktivitet biznesi që në një moment të caktuar ?shpërthejnë? dhe marrin koncesione qindra million euro, përfshirë televizione, politikanë dhe biznesmenë.

Në lidhje me këtë aferë, tashmë kemi edhe një ish-ministër të vënë në pranga.

Lefter Koka, ish-ministër i Mjedisit në qeverinë ?Rama 1?, është arrestuar disa ditë më parë, pas një hetimi të SPAK, në lidhje me inceneratorin e Elbasanit.

Por, SPAK ka hetuar vetëm inceneratorin e Elbasanit, dhe zinxhirin e kompanive që lidhen me Lefter Kokën.

Së pari kujtojmë këtu kompaninë Em Capital Group, një kompani e themeluar në Bullgari dhe ku bashkëortakë janë Mirel Mërtiri, Klodian Zoto dhe Eva Blushi, bashkëshortja e ish-drejtorit të Top Channel, Ben Blushi.

Klodian Zoto ka 34% të aksioneve, Eva Blushi 33% dhe Mirel Mërtiri 33%.

Më pas, është po kjo kompani e cila vjen në Shqipëri dhe blen për 2.2 milionë dollarë, 51% të aksioneve të Valtelina Kafe, e cila mban dhe emrin tregtar Loroi Kafe, dhe që “rastësisht” ka të njëjtët pronarë me Top Channel.

Më pas shkoi drejtor kushëriri i parë i Ben Blushit dhe menaxher vëllai i Alqi Bllakos. Ky i fundit ish-Sekretari i Përgjithshëm i Ministrisë së Mjedisit, sot deputet i PS.

Kur do hetohet blerja 2.2 milionë euro?

Kur do flasë Ben Blushi dhe Vjollca Hoxha për ortakërinë e drejtpërdrejtë, me pronarët e inceneratorëve?

Kujtojmë këtu kompaninë Kudo Pay, ku bashkëortakë janë Vjollca Hoxha, Ben Blushi dhe Stela Gugallja, pronarja e inceneratorit të Elbasanit, e cila është shpallur në kërkim.

Top Channel ka ortakëri në kompani të tjera, me pronarët e koncesionit të inceneratorëve dhe është paguar nga inceneratorët.

Pra, janë në orakëri me pronarët e aferës më të madhe në këto 30 vite.

Kanë qarkulluar miliona euro dhe SPAK nuk mund të mbyllë hetimet vetëm në xhepat e një ish-ministri. Duhet të hetojë qoftë edhe Top Channel për të parë deri ku kanë shkuar tentakulat e inceneratorëve.

Propaganda e Top Channel për inceneratorët është publike.

Kompanitë janë me dokumente. Pagesat janë bërë në banka. Duhet gjetur burimi dhe përfundimi i tyre, pra, ku kanë shkuar.

SPAK nuk mund të sillet sikur nuk ka ndodhur asgjë me Vjollca Hoxhën dhe Ben Blushi, vetëm se nga pas qëndron një televizion, apo një gazetë online.

SPAK është përballë provës dhe e vërteta nuk mjafton vetëm me Lefter Kokën.

Kapaku i “pusetës” është hapur edhe pse mund të qelbë erë nuk e mbyll dot më kush. Brenda në pusetë ngelet e vërteta dhe të gjitha pislleqet që fillojnë tek inceneratorët dhe përfundojnë tek propaganda në media./CNA.al

Në shtëpinë tonë, apo në shtëpinë e inceneratorëve?!

REDAKSIONALE/ Inceneratorët, Top Channel, Ben Blushi dhe milionat që akuzojnë

Ekskluzive dokumentet/ Klodi i inceneratoreve dhe Ben Blushi, blejnë ?Lori Kafe?

Thellohet skandali i kompanisë Bullgare me Top Channel

Detajet e reja/ Dokumentet që zbulojnë përqindjen e aksioneve të Ben Blushit me kompaninë e inceneratorëve

Ekskluzive dokumentet/ Klodi i inceneratoreve dhe Ben Blushi, blejnë ?Lori Kafe?

Zbulohet biznesi i dytë i Ben Blushit me Vjollca Hoxhën

Ekskluzive dokumenti/Zbulohet ortakëria e Klodit të inceneratorëve me Ben Blushin

Ekskluzive/ Dalin hapur, Ben Blushi, Vjollca Hoxha dhe pronarët e inceneratorëve themelojnë kompani në Tiranë

Sa lekë ka paguar Eva Blushi për blerjen e Lori Kafesë?