Connect with Us

Zbulohet biznesi i dytë i Ben Blushit me Vjollca Hoxhën

Lajme

Zbulohet biznesi i dytë i Ben Blushit me Vjollca Hoxhën

Publikuar

-

Kush mendoi se Ben Blushi me largimin e tij nga politika, pas dështimit me LIBRA-n, do të dështonte edhe në biznes, ka menduar gabim.

Në politikë, mundi të siguronte biznese me çmime qesharake në Korçë, kurse jashtë saj, pasi u bë drejtor i Top Channel, bizneset e tij shkëlqyen.

Sipas të dhënave zyrtare të siguruara nga CNA.al, Ben Blushi është ortak me një prej aksionereve të Top Channel, Vjollca Hoxha, në të paktën dy kompani.

Biznesi i parë është Valtelina Kafe, mbajtëse e emrit tregtar Lori Kafe, ky Eva Blushi dhe Vjollca Hoxha janë ortake sipas aktit të shitblerjes së aksioneve që mban datën 25 nëntor 2019. Dokumentin mund ta lexoni këtu.

Biznesi i dytë i Vjollcës dhe Eva Blushit, ku qenka bërë ortak së dyti drejtori me aksioneren e Top Channel, është hapur në 16 prill të vitit të kaluar.

Në këtë biznes aksionet janë të ndara 50 me 50, jo si tek Lori Kafe, ku është aksionere Eva Blushi, tek e cila kontrollon 51% të kuotave.

Biznesi i hapur në 16 prill 2019, është agjensi publicitare, e cila ofron shërbime monitorimi, shpërndarje reklame në media të shkruara apo elektronike, prodhime dhe produksione reklamash dhe shitje të tyre për llogari të të treteve(porositesve), shërbime IT dhe konsulence It .

Shpërndarje dhe tregtim të materialeve publicitare. Veprimtari në fushën e medias së shkruar dhe audio vizuale Marketing dhe shpërndarje e prodhimeve të saj.

Përfaqësim të shoqërive të ndryshme shqiptare apo të huaja që kanë objekt të njëjtë apo të përafërt me atë të kësaj shoqërie.

LEXO EDHE:  Armando Prenga sulmon Blushin: Me ke ardhe e me je lutur per te luftuar Edi Ramen

Publialb është aktiviteti i dytë ku Vjollca Hoxha dhe Eva Blushi kanë ortakërinë e tyre. Në këtë biznes administratore e kompanisë ka qënë Eva Blushi, e cila është larguar për t’u zëvëndësuar S.M.

Pas Valtelina Kafe, tashmë politikani, gazetari i kthyer në drejtor televizioni i ka shtuar CV-së së tij edhe dy biznese, me aksioneren e Top Channel, ku marrëdhënien tregëtare e ka bashkëshortja e tij Eva Blushi, me profesion notere, të cilës ligji ja ndalon të ushtrojë aktivitet privat dhe publik për sa kohë mban liçensën e noteres, ligji ia ndalon ushtrimin e çdo lloj veprimtarie tjetër.

Eva Blushi me profesion notere bie në kundërshtim me ligjin “Për Noterinë”, nr. 110/2018 pasi në nenin 19 të tij shkruhet se, ushtrimi i funksionit të noterit nuk pajtohet me asnjë veprimtari tjetër publike dhe private me përjashtim të mësimdhënies dhe të veprimtarisë shkencore.

CNA.al në vijim do të sjellë të tjera dokumente ekskluzive, ku tregohet se këto dy kompanitë e ortakërisë së Vjollca Hoxhës me Eva Blushin nuk janë të vetmet aktivitete biznese të noteres që i ndalohet me ligj ushtrimi i veprimtarisë private./ CNA.al

Noterja në skandal/ Ortakëria me Vjollca Hoxhën dhe Klodët e inceneratorëve

Ekskluzive dokumentet/ Klodi i inceneratoreve dhe Ben Blushi, blejnë “Lori Kafe”

Ekskluzive dokumenti/Zbulohet ortakëria e Klodit të inceneratorëve me Ben Blushin

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Lajme

Konferenca e Donatorëve për tërmetin e 26 nëntorit/ Arben Ahmetaj: Presim 450 milionë euro

Publikuar

-

Nga

Sot në Bruksel zhvillohet Konferenca Ndërkombëtare e Donatorëve e inicuar nga Bashkimi Europian në ndihmë të Shqipërisë, pas tërmetit shkatërrues të 26 nëntorit. Qeveria shqiptare shkon aty me pritshmëri modeste.

Hapin e parë të mbështetjes së Shqipërisë pas tërmetit me pasoja tragjike me 51 viktima e 913 të plagosur më 26 nëntor, Komisioni Europian e bëri menjëherë pas tërmetit me dërgimin e Mekanizmit të Mbrojtjes Civile të BE në Shqipëri me kërkesë të qeverisë shqiptare. Ndërsa në dhjetor KE bëri të ditur dhënien e një ndihme prej 15 milionë eurosh Shqipërisë me prioritet rikonstruktimin e ndërtesave publike.

Në këto muaj autoritetet përkatëse nga Bashkimi Europian, OKB-ja, Banka Botërore dhe qeveria shqiptare punuan për përpilimin e raportit të vlerësimit për dëmet e tërmetit, të paraqitur ditët e fundit. Si pasojë e katastrofës u prekën më shumë se 47.000 vetë drejtpërdrejt nga tërmeti, thuhet në raportin përfundimtar të qeverisë shqiptare të paraqitur para pak ditësh, ndërkohë që 17.000 vetë u detyruan të zhvendosen për shkak të humbjes së shtëpive. Në përgjithësi si pasojë e katastrofës u prekën në tërësi 202.291 vetë, nënvizon raporti. Zonat më të prekura janë Shijaku, Durrësi, Kruja, Tirana, Kamza, Kavaja, Kurbini dhe Lezha.

Pritshmëria e Shqipërisë nga Konferenca e Donatorëve

Ky raport përfundimtar për dëmet e tërmetit do të shërbejë si bazë orientuese për Konferencën e Donatorëve të hënën dhe përpjekjet për rindërtimin dhe rehabilitimin e pasojave të tërmetit. Raporti e llogarit shifrën e përgjithshme të dëmeve të tërmetit me afër 1 miliardë euro. Se sa fonde do të mblidhen në Bruksel në ndihmë të Shqipërisë, kjo nuk dihet ende, por për qeverinë shqiptare shpresëdhënës duhet të jetë fakti, që konferenca e donatorëve bëhet nën drejtimin e vetë presidentes së Komisionit Europian, Ursula von der Leyen. Prezentë do të jenë edhe kreu i Këshillit të BE, Charles Michel dhe komisioneri i zgjerimit, Olivér Várhelyi, asistentja e Sekretarit të Përgjithshëm të OKB-së, Mirjana Spoljaric, kurse nga Shqipëria në konferencë do të marrë pjesë kryeministri i Shqipërisë, Edi Rama, së bashku me ministrin e rindërtimit, Arben Ahmetaj e koordinatoren kombëtare për vlerësimin e dëmeve të tërmetit, Milva Ekonomi.

Qeveria shqiptare shkon me pritshmëri modeste në Bruksel. Kryeministri i Shqipërisë, i cili ishte pjesëmarrës në Konferencën e Sigurisë në Mynih i shfrytëzoi ditët e konferencës për të tërhequr sa më shumë donatorë për Shqipërinë. Ai u shpreh megjithatë i përmbajtur për mediat. “Nuk bëhet fjalë për të arritur që të përmbushim të gjitha nevojat, por sidoqoftë të mbetemi në një nivel, që sado modest, të mund të ketë një peshë në këtë proces”, thuhet në Facebookun zyrtar të kryeministrit.

LEXO EDHE:  Përplasjet me Ramën e Berishën/Blushi zbulon me cilin i shijon debati

LEXO EDHE:  “Rama ka hedhur dy firma”/ Tritan Shehu rendit pasojat e Minishengenit Ballkanik

Në bisedë me Deutsche Wellen ministri i Rindërtimit, Arben Ahmetaj shprehet mirënjohës për solidaritetin europian të treguar këto muaj. Solidariteti është shumë i madh, megjithatë shifra në fund do ta materializojë këtë solidaritet, thotë ai. Ministri Ahmetaj pret që në “kombinim me grante dhe kredi të arrihet të mblidhet një ndihmë rreth 450 milionë euro” për Shqipërinë. “Për shkak të turit që ka bërë kryeministri në disa vende, për shkak të ndjeshmërisë në vendet europiane presim një shifër përafësisht të tillë.” Megjithatë ai thekson, se nevojat janë shumë më të mëdha. “Jam i shqetësuar se si do t’i japim impuls ekonomisë këto vite e si do të mënjanohen dëmet në infrastrukturë.”
Banka Botërore ndihmë sektorit shëndetësor

Nevojat më akute në Shqipëri vlerësohet se janë në sektorin e banimit, ku pas tërmetit më shumë se 95. 000 banesa janë shkatërruar dhe dëmtuar, por jo pak dëme ka pasur edhe në shkolla, spitale, e infrastrukturën e vendit. Banka Botërore pas tërmetit në Shqipëri ofroi menjëherë ndihmë në llogaritjen e pasojave të dëmeve dhe efektin e tyre në ekonomi. Drejtoresha rajonale për Ballkanin Perëndimor në Bankën Botërore, Linda Van Gelder tha për Deutsche Ëelle, se “më specifikisht, Banka Botërore iu përgjigj nevojave në sektorin shëndetësor, ku tërmeti shkatërroi disa spitale. Një projekt në vijim është duke ofruar ndihmë Ministrisë së Shëndetësisë dhe Mbrojtjes Sociale për të modernizuar sektorin e shëndetësisë. Ne jemi të gatshëm të drejtojmë resurset nga ky projekt për të filluar menjëherë punën për rikonstruktimin e tre spitaleve të prekura.”

Banka Botërore ka ofruar e do të ofrojë ndihmë teknike dhe financiare, si në afat të shkurtër ashtu edhe të mesëm, thotë Van Gelder, e cila po ashtu do të marrë pjesë në Konferencën e Donatorëve, si përfaqësuese e Bankës Botërore.
Konferenca zhvillohet pasditen e ditës së hënë, dhe pas fjalimeve përshëndetëse, pjesëmarrësit do të njihen me përfundimet e raportit mbi dëmet e shkaktuara nga tërmeti e me video nga zonat e prekura nga tërmeti. Konkluzionet e konferencës, ku pritet të marrin pjesë edhe vende të tjera të ftuara dhe organizata do t’i ofrojë në fund komisioneri i zgjerimit të BE, Olivér Várhelyi./DW

LEXO TE PLOTE

Lajme

Heqja e taksës së mallrave serbë/ Ngjela tregon zgjidhjen e Serbisë

Publikuar

-

Nga

Avokati, Spartak Ngjela, thotë se nëse taksa prej 100% për të gjitha mallrat serbe që hyjnë në Kosovë s’do të hiqet, Serbia ka vetëm këtë zgjidhje: ose të pushtojë ushtarakisht sërish Kosovën, ose ta njohë atë.

Sipas Ngjelës, e para nuk ka mundësi të ndodhë, ndërsa e dyta po.

“A ka mundësi e para? Jo. Sepse, a është në gjendje Serbia t’i shpallë luftë NATO-s? Madje, edhe armatës së Kosovës që po ngrihet.
Kjo është pamundësi absolute. Po e dyta? Kjo e dyta, njohja e Kosovës, është mundësia, sepse taksa Haradinaj e dëmton dhe po e çon drejt degradimit serioz ekonomik Serbinë.
Pse?
l. Serbia shkon drejt një humbjeje degraduese ekonomike, nëse taksa Haradinaj zgjat dhe dy apo tre vjet të tjerë. Humbja e serbeve do të jetë e madhe, sepse nuk janë vetëm mallrat serbe që nuk po kanë treg shitjeje, por, zgjatja në kohë do t’u sjellë humbje të madhe fabrikave dhe prodhuesëve të tregut serb. Serbia do ta ndiejë shumë këtë edhe në rritjen e papunësisë”, shkruan Ngjela.

Sipas Ngjelës, vendet perëndimore po kërkojnë heqjene taksës sepse kuptohet që politikisht nuk e pranojnë dot falimentimin apo degradimin ekonomik të Serbisë.

“Ka investime të mëdha perëndimore në Serbi, dhe kuptohet që, shumica janë kredi të dhëna nga bankat dhe investime të kapitalit perëndimor”, shkruan Ngjela.

LEXO EDHE:  Blushi: Kam kërkuar votat e qytetarëve për premtime që nuk po mbahen

LEXO EDHE:  Përplasjet me Ramën e Berishën/Blushi zbulon me cilin i shijon debati

Më tej ai shprehet: Të gjitha këto rrezikohen nga degradimi ekonomik progresiv në rritje i Serbisë si shtet. Ka edhe diçka: nga duhet të shkojë Serbia, nga BE apo drejt Rusisë? Edhe kjo pyetje ngrihet politikisht në Perëndim, bashkë me degradimin ekonomik të Serbisë
Atëherë?
lll.
Janë dy interesa në përplasje te taksa Haradinaj: interesi i Perëndimit që Serbia të mos dëmtohet deri në një degradim ekonomik që do të kërkojë rimëkëmbje; dhe interesi i shqiptarëve që Serbia të zgjedhë: ose njohje të Kosovës ose degradim ekonomik.
Kjo është loja politike. Të gjitha palët në këtë lojë politike janë të prekura, vetëm Kosova dhe shqiptarët janë në fitim.
Po politika shqiptare e Shqipërisë? Ku është në gjendje ta kuptojë politika shqiptare në Tiranë këtë, ajo ka një shekull që nuk luan për interesin shqiptar.
Por, koha ka ndryshuar.
Politika e Kosovës po i ndihmon thekshëm çështjes shqiptare dhe shqiptarizmit.
Ka njëzet vjet tashmë që koha historike është me Shqiptarët. Por ne shqiptarët duhet ta shfrytëzojmë deri në fund këtë shans që na erdhi pas 140 vjetësh.”/CNA.al

LEXO TE PLOTE

Lajme

Taulant Muka nuk ndalet/ I nxjerr “të palarat” dekanëve dhe rektorëve: Analfabetë në akademi!

Publikuar

-

Nga

taulant muka

Ish zëvendësministri i Arsimit, Taulant Muka i ka nxjerrë “të palarat” rektorëve dhe dekanëve të cilët i quan “analfabetë”.

Sipas, Mukës: po t’i bësh bashkë 11 rektorë, dekanë të Universitetit të Tiranës dhe Universitetit të Mjekësisë, nuk bëjnë as gjysmën e punës së tij kerkimore të arritur në 7 vjet.

Muka shprehet se është tragjike kur shikon këto numra dhe kur mendon se kush i drejton universitetet shqiptare dhe arsimimin e të rinjve.

“Rektore/dekane analfabetë në akademi!
T’i bësh bashke 11 rektorët/dekanet e Universitetit të Tiranës dhe Universitetit të Mjekësisë, edhe pse secili mbi 15 vjet në funksione akademike, nuk bëjnë as gjysmën e punës time kërkimore të arritur në 7 vjet. Të 11 rektorët/dekanët në total kanë mbi 165 vite akademike (11×15 vite secili) dhe, e pse kanë qarkulluar miliona euro, kanë arritur të publikojnë në total 35 publikime, me një H-index 9, ndërsa personalisht në vetëm 7 vite kam mbi 80 publikime dhe një H-index mbi 20. Është tragjike kur shikon këto numra dhe kur mendon se kush i drejton universitetet shqiptare dhe arsimin e të rinjve. Si mund të flasësh për shkencë dhe cilësi në universitete kur të 11 rektoret/dekanët e UT/UMT të marrë së bashku nuk kanë as nivelin e një kërkuesi postdoktoratur në fushën e mjekësisë?! Këto numra janë një arsye më shumë pse beteja për një arsim të lartë cilësor duhet të vazhdoj dhe të mos ndalet në asnjë moment”, shkruan Muka./CNA.al

LEXO TE PLOTE