LEXO PA REKLAMA!

SHKARKO APP

Italiani me fasoneri fantazëm ndryshon identitet dhe nuk paguan sigurimet

9 Dhjetor 2021, 21:15, Denoncim CNA
Italiani me fasoneri fantazëm ndryshon identitet dhe nuk paguan sigurimet

Në datë 5 Nëntor emisioni Stop në Tv Klan transmetoi rastin e italianit Benito Lanari, i cili kishte hapur një fasoneri në Fier. Një zonjë, që prej 3 vitesh punonte në këtë fasoneri, kishte konstatuar se që prej muajit Janar deri në Shtator 2021 nuk i ishin paguar kontributet e sigurimeve shoqërore dhe shëndetësore, e për pasojë ajo nuk kishte përfituar pagesën e raportit.

Emisioni ?Stop? konstatoi se italiani Benito Lanari kishte hapur nipte të ndryshme njëri pas tjetrit dhe ka shumë detyrime të pashlyera. Një tjetër denoncim vjen nga qyteti i Durrësit, ku Lanari ka operuar me fasoneri, por me emrin Benito Rino. Sërish italiani ka patur probleme me pagesën e pagave dhe sigurimeve.

?Z.Benito nuk njihej vetëm Benito Lanari, Benito Rino, më pas e bëri Benito Lanari. Problemet që pati me siguracionet, padinë, problemet që pati me repartin me punëtorët. Ne si repart në atë kohë kur e paditëm kemi 1 vit pa e marrë dhe nuk i kemi marrë kurrë. Shpresojmë që t?i marrim, por kishim dhe ato muajt e tjerë ndërmjet viteve që janë me shkëputje. Nuk janë të gjitha pagesat standarde të kotributeve. Një javë ishte kjo zhurma e madhe që u bë nga ne pastaj kaloi si me shaka. Se si u sistemuan gjërat asnjë nuk e kuptoi. Paga nuk u mor, vazhdoi puna, ndryshoi emrin, vuri një emër tjetër të firmës që nuk u mor vesh ndonjëherë. Pastaj na mori dikush tjetër përsipër si firmë dhe humbi Benito?, thotë denoncuesja.

Gazetarja e emisionit Stop iu drejtua Drejtorisë Rajonale të Tatimeve në Durrës, për të parë situatën e shtetasit italian. Por drejtoresha Dalina Buçaj u mbyll në zyrë dhe ruhej nga roja private.

Në një bisedë telefonike me gazetaren e Stop, drejtoresha e Tatimeve Durrës Dalina Buçaj fliste nga zyra e mbyllur brenda dhe refuzonte të bënte takim për t?i dhënë informacion medias.

Drejtoresha: Ne kemi një rregull, kemi një zyrë informacioni poshtë dhe çdo informacion përcillet aty dhe pastaj trajtohet dhe merret përgjigje. Zonja gazetare bëni një kërkesë dhe do merrni përgjigje! Kërkesën e bëni të zyra poshtë, e shërbimit! Nuk jemi mbyllur, ne punojmë! Ju lutem bëni kërkesën te informacioni dhe do merrni përgjigje! Faleminderit.

Emisioni ?Stop? mësoi nga burime se italiani Benito Lanari nuk ka as leje qëndrimi madje është cilësuar i parregullt përsa i takon hyrjes dhe qëndrimit në Shqipëri. Nga tjetër tatimet nuk japin informacion për detyrimet e italianit. /tvklan.al

Lajmet e fundit nga