Thellohet skandali i kompanisë Bullgare me Top Channel

19 Shkurt 2020, 10:24, Politikë CNA

Rreth një javë më parë, CNA.al ka raportuar një skandal, ku me dokumenta ekskluzive tregohet ortakëria e Ben Blushit me kompaninë që ka inceneratorët në Shqipëri.

Me datën 12 shkurt 2020, CNA.al publikoi një dokument zyrtar, të siguruar në Bullgari nëpërmjet të cilit del zbuluar ortakëria e Klodian Zotos, me gruan e Ben Blushit, Eva Blushi dhe me Mirel Mërtirin.

Sipas dokumentit të siguruar nga CNA.al, Ben Blushi del si ortak i një prej biznesmenëve më të akuzuar në Shqipëri për çështjen e inceneratorëve, por që marrëdhënien tregëtare e ka bashkëshortja e tij Eva Blushi. Në dokumentin e publikuar nga CNA.al, thuhet se “Klodian Zoto, Eva Blushi dhe Mirel Mërtiri kanë në pronësi një kompani të ngritur në Sofie të Bullgarisë, e cila quhet “EM CAPITAL GROUP AD” (Lexo këtu)

Ndërkohë dje CNA.al, me dokumenta ekskluzive për herë të dytë ka raportuar përqindjet e aksioneve të kompanisë “EM Capital Group”, që ka blerë “Lori Kafe” në Shqipëri, e cila është themeluar në Bullgari nga pronarët e inceneratorëve bashkë me Eva Blushin, vetëm dy muaj para se të bëhej kjo blerje, dhe, më pas, është bërë transaksioni i menjëhershëm i 1.5 milion dollarëve dhe diferenca e ngelur do të paguhej në një afat prej gjashtë muajsh.

Sipas dokumentave ekskluzive, që CNA.al ka siguruar në Bullgari, del se Eva Blushi, bashkëshortja e Ben Blushit, gëzon 33% të aksioneve të “EM Capital Group”, Mirel Mërtiri 33%, ndërsa Klodian Zoto 34%. (Lexo këtu)

Me dokumenta ekskluzive tregohet qartë se koncesionari i inceneratorëve në Shqipëri, ka shkuar dhe ka krijuar një kompani në Bullgari, për të transferuar më pas tek aksionerja e “Top Channel”, 2.2 milion dollarë nëpërmjet shitjes së “Valtelina SHPK”, e cila mban emrin tregtar “Lori Kafe”.

CNA.al më parë ka sjellë skemën të cilën e shikoni më poshtë, por kjo skemë ka edhe disa detaje që thellojnë këtë skandal.

Thellohet skandali i kompanisë Bullgare me Top Channel

Ku i gjeti kompania “EM Capital Group”, 1.5 milion dollarë që ia pagoi direkt Vjollca Hoxhës, në vetëm pak javë aktivitet si biznes në Bullgari dhe në një kohë që si kapital fillestar kishte vetëm 25 mijë euro?

Dhe vetëm pak javë pasi u themelua, dha 1.5 milion dollarë për Vjollca Hoxhën, sipas kontratës së shitjes të publikuar nga CNA.al (Lexo Këtu) .

Kjo kompani duket qartë që është një “maskë” nga inceneratorët në Tiranë, duke shkuar në Bullgari për të ardhur më pas sërish në Tiranë, tek aksionerët e “Top Channel”.

Pra, është marrëveshje direkte e kompanisë së inceneratorëve me “Valtelina SHPK”, për të ndërtuar një kompani tjetër në Bullgari, që më pas të vinte të blinte “Lori Kafe”-në, dhe për t’i dhënë Vjollca Hoxhës dhe aksionerëve të “Top Channel” 2.2 milion dollarë./ CNA.al

Detajet e reja/ Dokumentet që zbulojnë përqindjen e aksioneve të Ben Blushit me kompaninë e inceneratorëve

Ekskluzive dokumenti/Zbulohet ortakëria e Klodit të inceneratorëve me Ben Blushin

Ekskluzive dokumentet/ Klodi i inceneratoreve dhe Ben Blushi, blejnë “Lori Kafe”

Zbulohet biznesi i dytë i Ben Blushit me Vjollca Hoxhën

Noterja në skandal/ Ortakëria me Vjollca Hoxhën dhe Klodët e inceneratorëve

Noterja në skandal/ Zbulohen katër bizneset e bashkëshortes së Ben Blushit

Ekskluzive dokumentet/ Klodi i inceneratoreve dhe Ben Blushi, blejnë “Lori Kafe”

Ekskluzive dokumenti/Zbulohet ortakëria e Klodit të inceneratorëve me Ben Blushin