Lajme
Noterja në skandal/ Zbulohen katër bizneset e bashkëshortes së Ben Blushit
Eva Blushi, bashkëshortja e ish-deputetit Ben Blushi, sot drejtor i televizionit kombëtar Top Channel, njëkohësisht me profesionin e noteres rezulton edhe aksionere jo vetëm në një biznes, por në katër të tilla.
Por, Eva Blushi ndërkohë është në kundërshtim edhe me ligjin për noterinë, i cili ia ndalon të ushtrojë aktivitet privat dhe publik për sa kohë mban liçensën e noteres, ligji ia ndalon ushtrimin e çdo lloj veprimtarie tjetër.
Eva Blushi me profesion notere bie në kundërshtim me ligjin “Për Noterinë”, nr. 110/2018 pasi në nenin 19 të tij shkruhet, ushtrimi i funksionit të noterit nuk pajtohet me asnjë veprimtari tjetër publike dhe private me përjashtim të mësimdhënies dhe të veprimtarisë shkencore.
Por, pavarësisht se është në kundërshtim me ligjin, pas një investigimi të plotë, CNA.al ka zbuluar katër kompani, ku Eva Blushi është aksionere. Janë katër kompani ku dy prej tyre lidhen me njëra-tjetrën dhe dy të tjera kanë pothuajse të njëjtën fushë aktiviteti.
Në datën 12 shkurt 2020, CNA.al publikoi ekskluzivisht një dokument të siguruar në Bullgari, ku del zbuluar ortakëria e Klodi Zotos, Klodian (Mirel) Mërtirit , bosit shqiptar të biznes-gropës së zezë të “Integrated Technology Service” kompanisë të konçesionit të inceneratorëve, me Eva Blushin, bashkëshortja e drejtorit të Top Channel, Ben Blushit dhe me Mirel Mërtirin.
Sipas dokumentit të siguruar nga CNA.al, Klodian Zoto, Eva Blushi dhe Mirel Mërtiri kanë në pronësi një kompani ngritur në Sofie të Bullgarisë, e cila quhet EM CAPITAL GROUP AD.(Lexo këtu)
EM Capital Group nuk është thjeshtë dhe vetëm më aktivitet në Bullgari, por në nëntor 2019 ka blerë 51% të Valtelina Kafe, ku aksionere është edhe Eva Blushi.(Lexo këtu)
Kjo është ortakëria e parë e Eva Blushit, me Vjollca Hoxhën, aksionoren e Top Channel, por biznesi i dytë i saj.
Publialb është biznesi i tretë i publikuar nga CNA.al, ku me dokumente ekskluzive u tregua ortakëria e dytë e Ben Blushit me Vjollca Hoxhën, por ku marrëdhënien tregëtare e ka bashkëshortja e tij Eva Blushi.
Biznesi i hapur në 16 prill 2019, Publialb është agjensi publicitare, e cila ofron shërbime monitorimi, shpërndarje reklame në media të shkruara apo elektronike, prodhime dhe produksione reklamash dhe shitje të tyre për llogari të të treteve(porositesve), shërbime IT dhe konsulence It .(Lexo këtu).
Biznesi i katërt i Eva Blushit, me një aksioner italian, me emër subjekti “Luxury Comunicazione e Publicitta”.
Subjekti, ku rezulton aksionere edhe Eva Blushi, është regjistruar në datën 07/11/2018, dhe ka si objekt të aktivitetit të tij menaxhim dhe promovimin e artistëve, të të gjitha kategorive në fushën e televizionit dhe kinematografisë, realizimin e prodhimeve televizive në bashkëpunim, shitjen e prodhimeve televizive, të drejtat e imazhit apo të autorit për artistet dhe prodhimet televizive, etj.
Pra, Eva Blushi e cila mban edhe licensen e noteres dhe është e regjistruar si person fizik në QKR, njëkohësisht është edhe aksionere në katër subjekte, gjë të cilën në fakt ligji ia ndalon./ CNA.al
Ekskluzive dokumenti/Zbulohet ortakëria e Klodit të inceneratorëve me Ben Blushin
Ekskluzive dokumentet/ Klodi i inceneratoreve dhe Ben Blushi, blejnë “Lori Kafe”
Lajme
108 vjetori i Policisë së Shtetit/ Hoxha kujton sakfiricën e 224 burrave për Shqipërinë
Gazetarei Artan Hoxha ka kujtuar themelimin e policisë së Shtetit Shqiptar, më 18 janar 1913.
Përmes një postimi në rrjtet sociale, Hoxha shkruan se 224 burra sakrifikuan jetën e tyre për këtë vend gjatë 30-të viteve të postkomunizmit. Gazetari thekosn se sot, ata janë yje mbi një memorial te zi, duke na dhënë shpresë, se ky komb, ende nuk është mposhtur nga krimi.
“Me 13 janar 1913, vetem nje muaj e gjysem pas shpalljes se pavarsise, qeveria e Ismail Qemalit vendosi te themeloje Policine e Shtetit Shqiptar. 108 vite me pas, nje memorial i zi, vendosur ne oborrin e Ministrise se Brendeshme, perkujton 224 “Deshmoret e Atdheut”, te rene ne krye te detyres gjate 30-te viteve te postkomunizmit. 224 BURRA qe sakrifikuan jeten e tyre per kete vend. Shume prej tyre i kam njohur nga afer, kam marre pjese ne operacione te organizuar dhe drejtuar prej tyre. Kam ngrene buke me ta, ne mencat e varfera te komisariateve te Shqiperise, nga Tropoja ne Sarande. Kam ndare bashke me ta, sukseset e aksioneve dhe me kane lene te vetem, te derdh lot hidherimi ne funeralet e tyre. Sot, ATA jane YJE mbi ate memorial te zi, duke na dhene shprese, se ky komb, ende nuk eshte mposhtur nga krimi… E paharruar qofte sakrifica juaj…”, shkruan Hoxha./CNA.al
Lajme
Pesë mësime që na japin filmat klasikë të Krishtlindjeve
Ajo që na shoqëron gjatë gjithë muajit dhjetor, ose siç e njohim ndryshe, muajit të festave, janë filmat festivë me Krishtlindje.
Por përveçse zbavitës, këto filma na japin 5 mesazhe shumë të vlefshme për gjithkënd.
Mos zgjidhni punën mbi njerëzit
Ky është një nga mesazhet më të forta që jepet në shumë filma, që mësojnë njerëzit të mos i japin përparësi parave të gatshme mbi lumturinë njerëzore.
Tensionet janë të pashmangshme
Ndonjëherë, pavarësisht se çfarë bëni, gjërat shkojnë pak keq. Shpeshherë vendosemi para situatave të pakëndshme, por ajo që duhet bërë është që të qetësohemi dhe të marrin situatën nën kontroll pa hapur panik dhe duke i parë gjërat me optimizëm.
Familja është ajo që ju e bëni atë
Ka të gjitha llojet e familjeve të ndryshme në botë. Miqtë tanë, personat me të cilët mund të kemi marrëdhënie të ngushta, bashkëpunëtorët tanë, madje edhe qentë tanë mund të jenë familjarë.
Disa filma Krishtlindjesh na zhvendosin rrënjësisht nga pritjet tona dhe na tregojnë me mënyra të ndryshme se çfarë nënkupton miqësia dhe besnikëria dhe sesi njerëzit mund të gjejnë ndjenjën e tyre jashtë kufijve të familjes.
“Vriteni” të keqen me mirësi
Nëse jeni mërzitur nga xhaxhai që vazhdon të diskutojë për politikën, nga tezja juaj që vazhdimisht ju ngacmon për të gjetur një partner dhe për tu martuar, nuk duhet të silleni vrazhdë me ta. Filmat festivë na japin një mësim, “t’i vrasim me mirësi”. Kështu mund të shmangni stresin e pushimeve dhe të jeni të qetë pa u bezdisur nga të tjerët.
Shpërndani pozitivitet
Vetëm shaka, premtime dhe optimizëm. Ka një sërë filmash Krishtlindjesh ku mund të merrni pozitivitet.
Lajme
Humbjet e mëdha në botë/ Figurat e njohura që ndërruan jetë në vitin 2020
Disa prej tyre na bënë të ëndërrojmë me rolet në filma, të tjerë na mbushën zemrat me muzikë, apo ndikuan në jetën tonë me shkrimet dhe projektet e tyre. Do të flasim tani për disa nga njerëzit e njohur që ndërruan jetë gjatë vitit 2020.
Midis aktorëve që humbëm në vitin 2020 ishte Sean Connery i cili vdiq në moshën 90 vjeçare.
Legjenda skoceze e filmit fitoi famë botërore me interpretimin e James Bond-it.
Chadwick Boseman, një tjetër aktor i famshëm ndërroi jetë. Ai ishte 43 vjeç, i njohur kryesisht për rolin e tij në filmin “Black Panther”.
Lista përfshin gjithashtu aktorin veteran të Bollywood-it dhe një nga më të njohurit e Indisë në Hollywood, Irrfan Khan.
Fituesja e dy çmimeve Oskar dhe ylli i filmit “Gone with the Wind” Olivia de Havilland vdiq këtë vit në moshën 104 vjeçare.
Ajo ishte një nga aktorët e fundit të filmit klasik që u shfaq në 1939.
”Gone with the Wind ‘ishte përvoja më e lumtur e gjithë karrierës time. ”
Nga bota e muzikës, humbëm të famshmit Little Richard dhe Bill Withers.
Fituesit e çmimeve Grammy John Prine dhe Kenny Rogers. Ky i fundit preferoi të mbetej i njohur si këngëtar i muzikës “kantri”, pavarësisht suksesit në muzikën “krosover”.
“Mendoj se muzika kantri është “ritmendbluzi” i të bardhëve. Të ngacmon aty ku është dhimbja.”
Në moshën 86 vjeçare vdiq Manu Dibango, i cili bashkoi ritmet afrikane me muzikën “Fank”. Saksofonisti nga Kameruni ishte i njohur edhe për personalitetin e tij të gjallë.
“Qeshja e tij ishte një sinfoni. Ai nuk thoshte dot një fjali pa shpërthyer në të qeshur. Ai kishte brenda vetes një rini të pandryshueshme, ishte gjithmonë pozitiv”.
Vdekja e papritur e legjendës së basketbollit Kobe Bryant dhe vajzës së tij 13-vjeçare nga rrëzimi i helikopterit tronditi botën në vitin 2020.
Një humbje tjetër e papritur..,, gjiganti argjentinas i futbollit Diego Armando Maradona, vdiq nga ataku në zemër.
“Ky njeri me flokë të shprishura të cilit i pëlqente të argëtohej, ishte i shkëlqyer dhe kjo është arsyeja pse u quajt El Pibe del Oro, djali i artë.”
Këtë vit vdiq edhe stilisti franko-japonez i modës Kenzo Takada. Ai ishte i njohur për dizajnet e tij me stile nga xhungla dhe shpirtin e lirë artistik.
Figura të tjera publike ishin Ruth Bader Ginsburg, anëtarja e Gjykatës së Lartë amerikane, e cila u nda nga jeta në moshën 87 vjeçare.
Një udhëheqës me rëndësi i lëvizjes për të drejtat civile, John Lewis, vdiq në vitin 2020. Ai shërbeu për më shumë se tre dekada në Dhomën e Përfaqësuesve.
“Kemi shënuar një gur kilometrik, por kemi ende rrugë për të bërë.”
George Floyd, një afrikano-amerikan, vdekja e të cilit në arrest policor shkaktoi trazira kundër padrejtësive racore në Amerikë dhe në të gjithë botën – ishte ndër ata që bota humbi këtë vit.
Por viti 2020 do të mbahet mend edhe për pandeminë COVID-19, që solli vdekjen e qindra mijëra njerëzve, duke shkatërruar ekonomitë dhe jetë njerëzish./ VOA
