Në shtëpinë tonë, apo në shtëpinë e inceneratorëve?!

25 Dhjetor 2021, 16:49, Aktualitet CNA

Ashtu siç e ka pasur në histori traditë Top Channel, sot ka sjellë këngën e fundvitit. Me një nga hitet e muzikës së filmit shqiptarë ?Në shtëpinë tonë?, ku kërkon të përcjellë edhe një mesazh.

Pikërisht gjithçka fillon nga Bashkimi, apo Baçi siç i thonë në Top Channel, njeriu i cili është gjithmonë në prapaskenë, shkon te Mir Minga, shkon dhe te Filip Çakuli. Shkon tek Redi e tek shumë çuna e vajza të tjerë që prej vitesh, gati dy dekada punojnë në Top Channel. Mesazh domethënës: Një shtëpi që kërkon t?i mbledhë të gjithë, t?i ketë atje, megjithëse mund të numërohen me gishtat e dorës dhe janë shumë pak ata të shtëpisë së vërtetë, sepse të tjerë janë hapur vërdallë, që nga shokët e Tanit të ‘vrarë’ nga Vjollca Hoxha e deri tek Top Channel që nga shtëpia jonë, ose nga një mesazh në shtëpinë tonë u kthye në shtëpinë e inceneratorëve, oratakërisë së Vjollca Hoxhës dhe Ben Blushit, me personat e shpallur në kërkim nga policia, me vendim gjykate urdhër arresti si Stela Gugallja dhe Klodian Zoto, që fatkeqësisht dhe turpësisht ju bashkuan ekranit më të madh të shqipatërve, edhe në ortakëri edhe në pronësi.

Në shtëpinë tonë apo në shtëpinë e inceneratorëve?

Në fakt, mungon Ben Blushi në klip, mungon njeriu që çoi inceneratorët tek Top Channel, inceneratorët që i pranoi edhe Vjollca Hoxha, ata që dje dhe sot në 48 orët e fundit, megjithëse janë pjesë e një afer korruptive të hetuar nga SPAK, reklamohen ende në Top Channel, në Top News dhe në gazetat e falimentuara, si gazeta Shqip.

Shkojmë më tej. Vjollca Hoxha është në ortakëri. Kush pyet me kë le ta dijë. Me Stela Gugallen e inceneratorit të Elbasanit me kompaninë Kudopay, inceneratorit të Elbasanit që për një ditë i janë nxjerrë 9 vendime qeverie, inceneratorit të Elbasanit 22 milion euro, ku është oratake Vjollca Hoxha, Ben Blushi me kompaninë Kudopay me Stela Gugallen.

Mungon Ben Blushi ?Në shtëpinë tonë?, në shtëpinë e inceneratorëve, i cili është ortak nëpërmjet Eva Blushit me Klodian Zoton dhe Mirel Mërtirin. I pari president i kompanisë së inceneratorit të Tiranës dhe atij në Fier apo i lidhur me inceneratorin e Elbasanit. Mirel Mërtiri, drejtori i inceneratorit, landfillit të Tiranës, pronar i kompanisë E.R One, ku është si administrator me bashkëshorten e tij dhe një shtetas italian aksioner, të cilët janë ortakët e Eva Blushit, bashkëshortes së Ben Blushit dhe së bashku kanë ardhur në Shqipëri nga një kompani e regjistruar në Bullgari, për të blerë Valtelina Caffee, e njohur si kompania brandit Lori Caffee.

Në shtëpinë tonë, po në shtëpinë e inceneratorëve, ku është oratake Vjollca Hoxha, ku është ortak Ben Blushi, me ata të inceneratorëve, por fatkeqësisht në zinxhirin e ortakërisë dalin edhe fëmijët e Dritan Hoxhës. A mundet që Dritan Hoxha në shtëpinë e tij, në shtëpinë e atyre apo në shtëpinë tonë do fuste inceneratorë, landfille, mbetje, politikanë, skandale, korrupsion, të arrestuar.

Në shtëpinë tonë apo në shtëpinë e inceneratorëve?

E për këtë ka përgjegjës. Por ende SPAK nuk ka folur, dhe turpësisht ende Top Channel dhe Vjollca Hoxha nuk kanë kërkuar ndjesë për avokatinë ndaj inceneratorëve, për më tepër vazhdojnë dhe i mbrojnë publikisht, me shpresën se mund të shpëtohen, por në zullum nuk shpëton dot askush.

Janë paguar para, miliona, qindra miliona për Top Channel, për Ben Blushin, nga inceneratorët, nga ortakët e tyre, nga kompanitë zinxhir. Këto tashmë nuk kanë asnjë diskutim. Ngelet për tu parë, sa kohë do ta shtyjë zullumin ky televizion me mesazhet ?Në shtëpinë tonë?, në kolltuqe të ndrruara për të nxjerrë përpara Bashkimin, i cili në fakt ka lënë djersën dhe gjakun e tij në Top Channel apo Miri e shumë të tjerë, ndërsa erdhën zullumqartë, që bënë ortakëri me inceneratorët, me afera korruptive, me njerëz të shpallur në kërkim dhe me urdhër arresti nga drejtësia shqiptare, të cilët janë ortak të Vjollca Hoxhës dhe Ben Blushit, të cilët janë njerëzit e skandaleve dhe zullumeve të mëdha.

Me paratë e taksave të shqiptarëve janë bërë inceneratorë, me këto para janë paguar dhe blerë media, për të reklamuar korrupsionin, aferat të cilat tashmë janë përballë drejtësisë.

Në shtëpinë tonë apo në shtëpinë e inceneratorëve. Ndoshta mund t?iu duket si një Big Brother, por në fakt paratë e landfilleve, paratë e korrupsionit kanë shkuar thellë në media dhe përtej shtëpisë tonë, Top Channel fatkeqësisht nëpërmjet reklamave, propagandës dhe gjithçkaje tjetër, ortakërisë së Vjollca Hoxhës apo Ben Blushit është edhe shtëpia e atyre të shpallur në kërkim apo me masë urdhër arresti nga gjykata që janë pronarët e inceneratorëve./CNA.al

REDAKSIONALE/ Inceneratorët, Top Channel, Ben Blushi dhe milionat që akuzojnë

Dokumentet ekskluzive-Skandali me tenderin e inceneratorit/ Kompania fituese pa asnjë aktivitet biznesi, shkeljet proceduriale

Mbi 3 miliardë lekë hidhen në lumë/ Zbulohet tjetër skandal i Klodian Zotos

Ortakëria me pronarët e inceneratorëve/ Shtrëngohet ?laku? për Ben Blushin?

Dokumentet ekskluzive-Skandali me inceneratorin e Fierit/ Si u zhvatën dhjetëra milion euro nga taksat e shqiptarëve

Inceneratorët, histori krimi dhe korrupsioni/ Si Rama kërkon të shpëtojë nga afera e shekullit

Dokumentet ekskluzive-Si u garantuan 128 milion euro/ Skema korruptive e inceneratorit të Tiranës, emrat dhe kompanitë e përfshira

Ekskluzive dokumentet/ Klodi i inceneratoreve dhe Ben Blushi, blejnë ?Lori Kafe?

Ekskluzive dokumenti/Zbulohet ortakëria e Klodit të inceneratorëve me Ben Blushin

Dosja ?Blushi? dhe heshtja e SPAK