E fundit!

22:00 Ekonomi

Mbiçmim i lekut?/ Zëvendësministri i Ekonomisë sqaron situatën

Zëvendësministri i Ekonomisë dhe Inovacionit, Enkelejd Mus...

Skandali me publikimin e të dhënave personale/ Ekspertja e sigurisë ngre shqetësimin

26 Dhjetor 2021, 08:34, Aktualitet CNA

Skandali me publikimin e të dhënave personale vijon të mbetet një temë diskutimi, ku është hapur edhe debati për keqpërdorimin e këtyre të dhënave, por edhe rënien e shtetit për mbrojtjen e tyre.

Silva Mana, eksperte sigurie, tregon se skandali i publikimit të të dhënave, nuk mund të kalonte pa ndëshkime.

Mana thotë se janë miliarda lekë të harxhuara nga buxheti i shtetit për mbrojtjen e të dhënave personale dhe skandali me rrjedhjen e të dhënave personale tregoi si ato para janë harxhuar kot.

?Këto institucione po kërkojnë që veç protokolleve ligjore po kërkojnë të marrin certifikime të larta të menaxhimit të mbrojtjes së të dhënave informatike të cilat dhe institucionet italiane e kanë shumë të vështirë ti marrin këto certifikime?, tha ajo.

Si eksperte e fushës ajo ngre një tjetër shqetësim.

?Më bën përshtypje që këto të dhëna kanë datë në databazë Excel, që do të thotë se kur mbahen në server nuk janë të kriptuara që është një nga detyrimet ligjore që të gjithë institucionet shqiptare që kanë të dhënat e qytetarëve duhet të jenë të kriptuara. Kriptimi është që të gjithë të dhënat në momentin që shpëtohen në server duhet të ndërtohet një kod që nëse vidhen nuk mund të lexohen dot se kanë një kriptim të brendshëm. Ka shumë të meta në aplikimin e protokolleve?, shtoi Mane.

Ajo thotë se impaktin negativ duhet ta shohim përtej nivelit të pagës së njërit apo tjetrit.

?Në ato të dhëna janë shpërndarë dhe numrat e identifikimit të kartave të identitetit. Është kartë dhe numër unik që personi e mban gjithë jetën. Këto karta mund të klonohen, mund të përdoren në gjithë Europën për tu identifikuar si dikush tjetër. Mund të përdoren nga grupe kriminale?, deklaroi ajo.

Ndikim negativ pritet të ketë dhe në ekonomi.

?Këto të dhëna që janë shpërndarë janë një cënim dhe faktor kryesor për investimet e huaja në Shqipëri sepse duke qenë dhe eksperte mbi privatësinë, shumë kompani që unë përfaqësoj dhe në sistemet shqiptare nga ana e garantit të komisionerëve europianë mund të futemi në listën e zezë sepse jemi një nga vendet që nuk garanton mbrojtjen e të dhënave personale. Kemi pasojë të jashtëzakonshme të investimeve ekonomike?, tha Mane./CNA.al