LEXO PA REKLAMA!

SHKARKO APP

E fundit!

x

“Përfaqësuesi i Beogradit në takimin e qeverive Shqipëri-Kosovë”/ Zbulohen planet e errëta

26 Nëntor 2021, 12:18, Politikë CNA
“Përfaqësuesi i Beogradit në takimin e qeverive

Ish-kryeministri Sali Berisha ka komentuar mbledhjen e përbashkët të qeverive të Kosovës dhe Shqipërisë, sot në Elbasan.

Në një postim në rrjetet sociale, Berisha shkruan se ky takim thellon edhe më shumë hendekun dhe përçarjen midis dy qeverive të të njëjtit komb.

Berisha akuzon kryeministrin Edi Rama si aleat të Beogradit, ndërsa thekson se së bashku me Vuçiç dhe Zaev po tentojnë që me nismen e tyre për ?Ballkanin e Hapur?, të nxisin nacionalizmat e sëmura dhe konfliktualitetin në rajon.

?Dy fjalë për mbledhjen e dy qeverive!

Miq, mbledhja e sotme në Elbasan e qeverisë së Shqipërisë dhe qeverisë së Kosovës duhet të shenonte një ngjarje të rëndësishme bashkëpunimi midis dy vendeve.

Në të vërtetë ky takim thellon edhe më shumë hendekun dhe përçarjen midis dy qeverive të të njëjtit komb.

Kjo sepse në Elbasan përballë qeverisë së Kosoves ulet qeveria Zografit bis apo e Ballkanit të Hapur apo vasalitetit ndaj Beogradit, përfaqësuesi i aleancës trilaterale Beograd-Shkup-Tiranë de facto aleancës së rrethimit të Kosoves nga klika armiqësore serbo-shqiptaro maqedonase.

Me këtë rast dënoj me ashpërsinë më të madhe lojen e rrezikshme të Serbomadhit Vuçiç i cili sapo bisedoj me Carin e Kremlinit për veriun e Kosovës dhe vasalve të tij, Zografi Bis dhe Zaev që po bëjnë me rajonin tonë duke nxitur me nismen e tyre nacionalizmat e sëmura dhe konfliktualitetin në rajon.?-shkruan Berisha./CNA.al

Lajmet e fundit nga