Pse Lulzim Basha nuk krahasohet me Berishën/ Borxhet që duhet t’iu shlyejë demokratëve

26 Nëntor 2021, 11:36, Politikë CNA

Kreu i Partisë Demokratike, ende në detyrë, Lulzim Basha në një dalje të tij mediatike, gjashtë muaj pas humbjes së zgjedhjeve, në televizionin e ortakëve të pronarëve të inceneratorëve, dje ka lëshuar shumë nga ?mufkat? e tij apo gënjeshtrat e tij.

Luli edhe pse i lodhur, me sy të skuqur, dje na tha edhe një ?perlë? të radhës. Kjo është në fakt përsëritur disa herë edhe nga zëdhënësit e tij mediatikë që qarkullojnë studiove televizive. Se ?Berisha duhej të tërhiqej për shkak të borxheve që iu ka demokratëve, sepse ata e kanë bërë dy herë kryeministër, e kanë bërë president?, e të tjera si këto.

cna lajme politike Dakort, e kanë bërë demokratët Sali Berishën, por ky ishte lideri i tyre. Erdhi në pushtet, i fitoi zgjedhjet.

Po Luli a iu ka ndonjë borxh demokratëve, që erdhi nga rruga në vitin 2005 dhe e morën e bënë ministër të Transporteve?!

Një ministër transportesh që u akuzua për një skandal 100 milionë euro, në lidhje me Rrugën e Kombit.

Më pas e bënë ministër të Jashtëm dhe firmosi marrëveshjen e ujërave me Greqinë, e cila u rrëzua nga Gjykata Kushtetuese. Pra, firmosi një vendim antikushtetues.

Sërish demokratët, bashkë me Sali Berishën e kishin bërë ministër.

E mori sërish Sali Berisha, e bëri ministër të Brendshëm. Katër të vrarë janë në bulevard, në 21 janar të vitit 2011.

Më pas po demokratët dhe Sali Berisha e bënë për katër vite kryetar bashkie në Tiranë që të flinte e të ndërtonte kulla.

Shkojmë më tej në 2013, që janë po demokratët që e bënë kryetar të Partisë Demokratike, me mbështetjen e Sali Berishës. E në vitin 2017, edhe pse humbi në mënyrë katastrofale, me një rezultat minimal historic të 30 viteve të ekzistencës së PD-së, sërish e zgjodhën sepse besuan dhe menduan se do të ecte përpara, do të piqej.

Erdhi në 2021, humbi sërish. Dhe sërish demokratët e zgjodhën kryetar. Sigurisht me mbështetjen deri diku edhe të Sali Berishës.

Tani meqë Sali Berisha iu paska borxhe demokratëve se i mori, i mbajti 13 vite në pushtet, apo bashkë me ekipin që drejtoi dhe bashkë me demokratët e mbajti Partinë Demokratike në pushtet dhe drejtoi Shqipërinë me një vision që dikush e mbështet, dikush e kritikon, por që demokratët në shumicë absolute janë pro tij. cna news, cna lajme, lajme cna, lajme flash cna, cna.al, cna lajme politike,

Nga ana tjetër është Lulzim Basha.

Ky Lulzimi që ishte tre herë ministër, një herë kryetar bashkie, dhe tre herë kryetar partie, nuk iu ka ndonjë borxh demokratëve? Që humbet, humbet dhe vetëm humbet.

Nga ana tjetër pasurohet, pasurohet dhe vetëm pasurohet në krye të Opozitës.

Demokratët nuk i kanë asnjë borxh Lulzim Bashës. Lulzim Basha iu ka shumë borxhe demokratëve dhe mund tua shlyejë vetëm duke u larguar. Por, jo duke përdorur një retorikë qesharakë që në fakt e bën edhe më idiot në ekrane sesa mund të duket në realitet. Me qëndrimet e tij, ku në vend që t?i ngrejë pikë vetes apo të marrë mbështetje në opinionin publik, thjeshtë dhe vetëm në çdo dalje mediatike humbet çdo ditë e më shumë mbështetjen e demokratëve dhe të elektoratit shqiptar.

Dalja e djeshme kisnhte një qëllim. Që Luli të ngrinte pikët pas sondazhit, që e nxirrte të shkatërruar Lulin nga mbështetja e demokratëve. Dhe në vend që të rikuperonte, dje sërish humbi. Pikërisht sepse harroi të thoshte borxhin që u ka ai demokratëve, apo borxhet e shumta që u ka ai atyre. Dhe krahasimisht i gabuar në qëndrimin e tij me Sali Berishën.

Nuk mund të jetë kurrë Lulzim Basha, Sali Berisha. Se po të ishte i tillë do ta kishte sjellë Partinë Demokratike të paktën një herë të vetme në pushtet. Dhe do të kishte fituar të paktën një herë i vetëm.

Lulzim Basha nuk ka fituar kurrë. Ia kanë dhënë pushtetin Sali Berisha dhe demokratët.

Kurse Sali Berisha ka fituar edhe pa Lulzim Bashën dhe i ka dhënë pushtet pa fund edhe Lulzim Bashës, përfshirë dhe faktin që të qëndrojë në krye të PD-së sot dhe të llomotisë si idiot ekraneve televizive./CNA.al

Basha nxjerr amerikanët si versionin e gjashtë të humbjes së zgjedhjeve

Ervin Salianji dhe Ergys Mërtiri shkatërrojnë audiencën e Lulzim Bashës

50 hijet e Lulzim Bashës