LEXO PA REKLAMA!

SHKARKO APP

Mbledhja e firmave/ Ish deputetja në krah të Berishës: Ja pse Kuvendi i Bashës është nul

23 Nëntor 2021, 15:40, Politikë CNA
Mbledhja e firmave/ Ish deputetja në krah të Berishës: Ja pse

Nisma e iniciuar nga ish kryeministri Sali Berisha për mbajtjen e Kuvendit Kombëtar në 11 dhjetor e kanë mbështetur gati 5 mijë delegatë. Për ish deputeten e PD Albina Dedaj, pavarësisht përpjekjeve të Bashës dhe të majtës për ta njollosur procesin, ai është i pastër dhe Berisha gëzon mbështetjen e anëtarësisë.

?Firmat janë të vërteta. Kam qenë vetë pjesë e procesit. Ka qenë gjithçka e lirë. Ata që kanë firmosur janë delegatë të PD. Është investuar shumë në këtë pjesën e mashtrimeve zoti Basha. Por edhe e majta për të hedhur baltë mbi këtë proces që është kaq i pastër.

Nuk kam frikë, ne po zbatojmë statutin e PD. Kemi qenë të qartë me mediat dhe publikun. Statuti e përcakton që ¼ e delegatëve mbledh Kuvendin. Ne i kemi kaluar 5 mijë firma. Kjo e sfumon datën 18?, tha ajo.

Rreshtimin e saj në krah të Berishës, Dedaj e argumentoi me pakënaqësinë që sipas saj kanë demokratët me mënyrën si e ka drejtuar Basha partinë.

?Humbjet e njëpasnjëshme, marrëveshja e 17 majit, pazaret me kryeministrin dhe maxhorancën, largimi nga kauzat e PD. Ai la jashtë grupin e atyre që mendonte se ishin mbështetës të Berishës. U larguan në bllok dhe pa asnjë njoftim. Berisha e mbron vetë veten, nuk ka nevojë ta mbrojmë ne. Basha pati kohën e duhur të thoshte unë distancohem nga ky proces, por e kaloi këtë çështje në kanale politike për të eliminuar Sali Berishën?, deklaroi më tej ish deputetja.

Dedaj theksoi se e gjithë ?lufta? bëhet që PD-ja t?u rikthehet demokratëve./CNA.al

Lajmet e fundit nga