Disfata e madhe në zgjedhje/ Kryemadhi tregon faktorin që dëmtoi LSI

22 Nëntor 2021, 15:13, Politikë CNA

Lëvizja Socialiste për Intergim doli nga zgjedhjet e 25 prillit me vetëm 4 mandate, në krahasim me 19 të tillë që kishte nga zgjedhjet e kaluara.

Po për këtë disfatë në zgjedhje, kryetarja e kësaj partie Monika Kryemadhi tregoi fatorin kryesor që ndikoi.

Në një intervistë për revistën ?Newsbomb?, Kryemadhi deklaroi se koha mediatike që ishte shumë e limituar për këtë parti ishte një disfatë. Sipas saj, shumë media censuruan programin e LSI dhe kadidatët e saj, ku pjesa më e madhe ishin të rinj dhe të reja.

Po ashtu, Kryemadhi shton edhe se 80% e votave të pavlefshe i takojnë partisë që ajo drejton.

?Por dua t?iu kujtoj përdorimin e gjithë infrastrukturës shtetërore policore, përdorimin me intesitetit të lartë të administratës publike në presion të hapur kundër jo vetëm kandidatëve të LS, por edhe familjarëve të tyre. Ju e dini shumë mirë se 80% e votave të pavlefshme janë të LSI.

Nëse do të kishim një proces zgjedhor normal dhe nëse do të kishim të njejtën kohë mediatike të 19 mandateve të 2017-ës, që po ta krahasoni me kohën mediatike të 2021, do të shihni që LSI-së i mungojnë miliona minuta mediatike, miliona radhë në portale të pavarura dhe të varura, të cilat jo vetëm censuruan LSI-në për të prezantuar platformën dhe kandidatët e saj, ku pjesa më e madhe ishin të rinj dhe të reja, por mos harroni edhe përdorimin pa limit të qeverisë dhe bizneseve mediatike të lidhura me PS, të cilat u angazhuan në një fushatë shpifjesh dhe dezinformimi të opinionit publik.

Shumë kandidatë për deputetë janë kërcënuar tek familjaret e tyre, tek prindërit nëse kishin biznes apo ishin në punë, nga motra, vëllai apo edhe familjarët e tyre, me kërcenime për t?u hequr nga puna, për t?ju prishur shtëpitë, apo për të mos ju kryer proceset e legalizimit.

Ju e dini shumë mirë rolin e patronazhistëve, që kanë patur tagrin deri edhe tek urdhërimi i administratës publike për të prerë gjoba ndaj popullit opozitar, me qëllimin e vetëm, intimidimin dhe tjetërsimin e votës. SPAK do duhet ti marrë në pyetje secilin prej atyre mbi 9 mijë ?patronazhistë? në Tiranë, ndoshta dhe janë shtuar që prej zgjedhjeve, shumica e së cilëve janë punonjës të administratës apo të Bashkisë, por edhe të FA dhe Policisë, sektorë që e kanë të ndaluar me ligj të merren me politikë aktive, për të zbardhur deri në fund se cili ka qenë dhe është aktualisht roli i tyre.

Që kur morëm vendimin për djegien e mandateve dhe bojkotin e zgjedhjeve lokale, ishim të vetëdijshëm që presioni do të shtohej. Por, ne nuk mendonim kurrë që lënia përgjysëm e aksionit opozitar nisur nga 16 shkurti 2019, ose tjetërsimi i aksionit opozitar në momente të caktuara, apo nën influenca të jashtme, do të n?a sillte këtu ku jemi sot, me ndryshimin e sistemit zgjedhor?, tha Kryemadhi./CNA.al