web counter
LEXO PA REKLAMA!

SHKARKO APP

App Store
Google Play

E fundit!

x

Kreu i PD Vlorë nxjerr mashtrimin e Bardhit/ Sa ishte pjesëmarrja reale në mbledhje me Bashën

18 Nëntor 2021, 21:26, Politikë CNA

Genc Deromemaj, kryetar i degës së PD-së Vlorë ka treguar më shumë detaje në lidhje me mbledhjen që zhvilloj Lulzim Basha me krerët e degëve në selinë blu. Në një intervistë për emisionin Log me Endri Xhafon në ABC, Deromemaj nxori në pah mashtrimin e Bardhit për pjesëmarrjen në mbledhje. Ndërsa Bardhi tha se ishin të pranishëm 71 krerë degësh, Deromemaj theksoi se ishin vetëm 51 të tillë.

Më pas, drejtuesi i degës së Vlorës tha se nga 51 të pranishmit, që morën fjalën, pro Lulzim Bashës ishin vetëm 9 dhe 30 të tjerë heshtën.

?Në mbledhje kanë marrë pjesë 51 kryetarë dege nga 71 në total. 20 kanë refuzuar të marrin pjesë në mbledhjen e kolegjit të kryetarëve. Nga ne që morëm fjalën dhe kundërshtuam ishim 8, 9 veta morën fjalën dhe ishin pro Bashës. 30 të tjerë heshtën? tha ai.

Lulzim Basha paralajmëroi sot përmes një interviste se nëse Sali Berisha nuk tërhiqet do të përjashtohet pas asaj që ai e cilëson ?miting dhe organizim të paligjshëm? të 11 Dhjetorit.

Genc Deromemaj u shpreh sonte në ?Log? se Lulzim Basha ua përsëriti gjashtë herë se nëse thyhen vendimet e Kryesisë, pra nëse shkojnë në Kuvendin e thirrur nga Sali Berisha do të përjashtohen.

?Kjo pjesa e kërcënimit, nuk i kam lexuar, zoti Basha na e kujtoi këtë nenin 27 nja 5-6 herë edhe para se të mbyllnim mbledhjen na e përsëriti me ton më të lartë.

Në prezencën time zoti Basha nuk ka kërcënuar kurrë ndonjë demokrat, ata që ka kërcënuar janë vetëm kundërshtarët tanë politikë dhe fundi i tyre ne e dimë.

Do të na përjashtojë nga partia jonë? Nëse kjo do të ishte zgjidhja, tërhiqem unë? tha ai./CNA.al





Lajmet e fundit nga