LEXO PA REKLAMA!

SHKARKO APP

App Store
Google Play

E fundit!

x

Këlliçi nxjerr detaje nga mbledhja e Bashës me krerët e degëve/ Ja sa e mbështetën për 18 dhjetorin

18 Nëntor 2021, 20:33, Politikë CNA
Këlliçi nxjerr detaje nga mbledhja e Bashës me krerët e

Deputeti i PD Belind Këlliçi ka nxjerrë detaje nga mbledhja e djeshme e Lulzim Bashës me krerët e degëve.

Në një intervistë për emisionin ?Të paekspozuarit? me Ylli Rakipin në MCN, Këlliçi tha se Basha nuk ka pasur mbështetjen masive të tyre, ku shtoi se vetëm 9 drejtues dege kanë qenë pro Bashës.

“Në lidhje me mbledhjen e djeshme, nga 71 kryetarë, dje kanë qenë vetëm 51. Njëzetë kryetarë e kanë bojkotuar, tetë e kanë kundërshtuar hapur, nëntë prej tyre kanë qenë pro tij dhe pjesa tjetër ka heshtur“, deklaroi Këlliçi.

Më tej, deputeti foli për Kuvendin e thirru nga delegatët dhe Berisha, duke e konsideruar “Kuvend të mrekullueshëm dhe transparent”.

“Ka patur tentativë për të intimiduar pjesëmarrësit në takim, por disa kryetarë degësh nuk e kanë pranuar kongresin e kryesisë, do të marrin pjesë në atë të datës 11 dhjetor.

Shumica ditën e djeshme është shprehur dje, në dakordësi për 18, por interesante do të jetë se sa njerëz do të mund të sjellin. Është presion i kotë, deri në ditën e Kuvendit.

Ka 7600 delegatë në PD. Nuk besoj se do të ketë 100% pjesëmarrje, por jam i bindur se kuorumi 50+1 do të jetë.

Në Kuvendin e datës 11 do të shihni Kuvend të mrekullueshëm, transparent, mediat do të jenë të ftuara. Është Kuvendi i parë në 30 vjet që thirret nga delegatët dhe meriton të trajtohet me respektin më të madh“, tha Këlliçi./CNA.al

Lajmet e fundit nga