LEXO PA REKLAMA!

SHKARKO APP

App Store
Google Play

Inekzistenca e shtetit/ Një tjetër institucion për fëmijët “kyç” gojën për vrasjen në Fier

18 Nëntor 2021, 18:31, Politikë CNA
Inekzistenca e shtetit/ Një tjetër institucion për

Inekzistenca e shtetit në raport me mbrojtjen e fëmijëve nga dhuna seksuale dhe jo vetëm po del gjithmonë e më shumë në pah.

Ditën e sotme, e gjithë vëmendja e medias u fokusua tek ministrja për Rininë dhe Fëmijët Bora Muzhaqi, e cila prej dy ditësh nuk kishte thënë asnjë fjalë për rastin makabër në Fier dhe sot me arrogancën e saj, ministrja e Ramës nuk guxoi të thoshte asnjë fjalë dhe nxitoi tu shmangej kamerave pasi nuk kishte kohë.

Por ajo nuk është e vetmja që ka ?kyçur? gojën. Në vendin tonë, ekziston një institucion i cili është në varësi të ministrisë së Mbrojtjes Sociale dhe që ka për detyrë mbrojtjen e fëmijëve.

Ajo është Agjencia Shtetërore për të Drejtat dhe Mbrojtjen e Fëmijës, e cila drejtohet nga Alma Tandili.

Prej dy ditësh, si një institucion përgjegjës, kjo agjenci nuk ka bërë asnjë lloj reagimi për rastin e rëndë, ndonëse sipas asaj që deklarohet në faqen zyrtare ka një staf prej 7 vetash.

Detyra e kësaj agjencie është koordinimi dhe organizimi i sistemit të integruar të mbrojtjes së fëmijës, në zbatim të politikave kombëtare për mbrojtjen e fëmijës, duke përfshirë zbatimin e ndërhyrjeve dhe marrjen e masave për parandalimin dhe mbrojtjen e fëmijës nga abuzimi, neglizhimi, keqtrajtimi dhe dhuna.

Por prej dy ditësh kjo agjenci ka dështuar dhe nuk ka bërë asnjë lloj reagimi. Atëherë nëse nuk reagon për rastet ekstreme, siç është vrasja e 8 vjeçarit në Fier, përse është e nevojshme ekzistenca e saj? Pse qytetarët shqiptarë do të duhet të paguajnë taksa për një institucion që është ekzistent dhe nuk ushtron minimalisht atë që ka në kompetencën e saj?

Mesa duket, kjo është një provë që tregon edhe inekzistencën e shtetit përballë këtyre fenomeneve./CNA.al

 

Lajmet e fundit nga