LEXO PA REKLAMA!

SHKARKO APP

App Store
Google Play

E fundit!

x

“Kuvendi i 11 dhjetorit, historik”/ Luan Baçi: Në PD ka njerëz pa kontribut, të vendosë vota e delegatëve

18 Nëntor 2021, 16:22, Politikë CNA
“Kuvendi i 11 dhjetorit, historik”/ Luan Baçi: Në PD ka

Deputeti Luan Baçi ka komentuar mbrëmjen e sotme situatën në PD dhe mbajtjen e Kuvendit, që është thirrur nga delegatët në 11 dhjetor dhe nga Lulzim Basha në 18 dhjetor.

Në një intervistë për Syri Tv, Baçi deklaroi se Kuvendi i datës 11 dhjetor është historik, duke shtuar se ajo që duhet të vendosë është vota e demokratëve.

‘E ndoqa me vëmendje mbledhjen e kryetarëve të degëve të PD-së. Basha ka qenë kundër Kuvendit. PD duhet të ketë datë Kuvendi të përbashkët dhe delegatët të flasin secili mendimin e vet. Në fund, të vendosë vota e demokratëve.

PD duhet që të mos shkojë drejt shkatërrimit. Të dëgjohen delegatët me kujdes dhe në fund të debatit, të merret vendimi. Unë kam qenë që pas 25 prillit, duhej një analizë e saktë.

Duhet thënë se edhe zgjedhja e kryetarit të PD u bë shumë shpejt. Edhe emërimet politike në strukturat më të larta të PD-së janë emërime, sepse aty ka njerëz që nuk kanë kontributin e duhur në Partinë Demokratike.

Kuvendin nuk e mblodhi Berisha, por vota e demokratëve. Duhet thënë se Kuvendi i 11 dhjetorit është historik dhe është për të ardhur keq sesi është quajtur.

Demokratët e vërtetë janë duke e mbledhur këtë Kuvend, ata persona që kanë luftuar për PD-në, që kanë qenë të arrestuar për protesta të paligjshme. Janë ata demokratë të ndershëm, që duan të mirën e PD-së.

Delegatët mund të verifikohen me emër e mbiemër, e nëse vijnë më shumë se 3 000 delegatë me date 11, Kuvendi i datës 18 dhjetor nuk mund të ndodhë. PD është anëtarësia dhe struktura e jo vula‘, deklaroi Baçi./CNA.al

Lajmet e fundit nga