web counter
LEXO PA REKLAMA!

SHKARKO APP

App Store
Google Play

E fundit!

x

Formularët tek zyra e Palokës/ Ristani: Në PD nuk ka zyrë protokollimi, nuk është shkelur asnjë nen në statut

18 Nëntor 2021, 19:04, Politikë CNA

Ish sekretari i përgjitshëm i PD Arben Ristani u është përgjigjur akuzave të Lulzim Bashës dhe Gazmend Bardhit për dorëzimin e formularëve, duke deklaruar se në selinë blu nuk ka një zyrë protokolli.

Në një intervistë për Syri Tv, Ristani ka folur mbi shkeljet flagrante të statutit të PD dhe deklaratat e pavërteta të Sekretarit të Përgjithshëmn Gazment Bardhit për shkeljet nga ana e organizatorëve të ?Foltores?. Ai shtoi se në gjykatë është i regjistruar statuti i vitit 2018 dhe jo ai i vitit 2021, ndërsa shtoi se Kuvendi që do të mbahet në datën 11 dhjetor ka si synim pikërisht anlizimin e shkeljeve antistatutore që janë kryer në PD.

?Së pari e ndoqa dhe vura re se i pyetur se cilin nen të statutit kanë shkelur dorëzuesit e firmave të 4200 delegatëve të Kuvendi Kombëtar, nuk iu përgjigj duke iu referuar statutit, pasi nuk mund të përgjigjej sepse nuk ka një nen në statut që përcakton një procedurë se ku dorëzohen dorëzohen firmat e ¼ të delegatëve të Kuvendit.

Së dyti iu referua një rregullore të dalë në bazë të statutit të dalë në 2005, ku që atherë PD e ka ndryshuar disa herë statutin, duke e ndryshuar në mënyrë të qënësishme dispozitat e këtij statuti, mjafton tju përmend se në statutin e asaj kohe, kryetarin e zgjidhnim me përfaqësim dhe jo një anëtar një votë si zgjidhet sot.

Parimi është se kur bien ligjet bien edhe aktet nënligjore në bazë dhe për zbatim të tyre. Duhet që statuti që është në fuqi të shoqërohej edhe me aktet nënligjore të tij, ose tu jepej vlerë rregulloreve që kanë pasur por mbi bazën e një akti të shprehur me një vendim të shprehur.

E gjitha kjo është një sorollatje për të justifikuar veprimtarinë anti-statutore që po kryet. Mjafton tju theksoi se doli edhe në këtë intervistë të Bardhit, që ata kanë regjistruar sot, ditët e fundit në gjykatë statutin e 2018 dhe jo statutin e 2021. Partitë politike janë institucione publike që detyrohen me ligj që në gjykatë të regjistrohet statuti dhe ndryshimet e tyre. Nuk lihet në dorë të përfaqësuesit të partisë se cilin ndryshim duhet të çohet në gjykatë. Çdo konflikt që mund të ndodhi duhet ti referohesh statutit që është regjistruar në gjykatë.

Statuti i 2018 e ka PD me dy nënkryetarë, statuti i 2021 e ka me 4 nënkryetar. Kjo do të thotë se në kryesinë e PD marin pjesë 4 persona dhe jo aq sa thotë statuti 2.

Statuti i 2018 e ka me 4 sekretarë, në statutin e 2021 Basha e ka të palimituar numrin e tyre. Duke e çuar në 60 % pjesën eksoficio të kryesisë, në krahasim me pjesën e zgjedhur me votë për të qënë në kryesinë e PD. E gjitha kjo për të manipuluar kryesinë e PD, dhe për të qënë njerëz të emëruar nga kryetari dhe jo të zgjedhur nga demokratët.

Në PD nuk ka një zyrë të mirëfilltë protokolli, por sekretarja e kryetarja funksionon edhe si zyrë protokolli.

Zonja Nina është një zonjë që rri si recepsioniste te dera e hollit. Edhe kjo është një mashtrim publik. Zyrë protokolli dhe punonjëse protokolli është sekretarja e Bashës?, tha ai./CNA.al





Lajmet e fundit nga