LEXO PA REKLAMA!

SHKARKO APP

App Store
Google Play

E fundit!

x

Droga në banane/ Gledis Nano “zbret” në Portin e Durrësit

17 Nëntor 2021, 13:06, Aktualitet CNA
Droga në banane/ Gledis Nano “zbret” në Portin e

Drejtori i Përgjithshëm i Policisë së Shtetit Gledis Nano, Drejtori i Përgjithshëm i Autoritetit Portual në Durrës Pirro Vengu dhe Drejtori i Përgjithshëm i Doganave Genti Gazheli zhvilluan një inspektim të përbashkët në Portin e Durrësit, për të parë nga afër funksionimin e sallës operative të përbashkët, funksionimin e Task Forcës permanente, si dhe për të gjetur rrugët e mënyrat më efikase për të forcuar bashkëpunimin trepalësh në interes të parandalimit dhe goditjes së krimeve ndërkufitare.

Kujtojmë se në Portin e Durrësit disa herë janë sekuestruar sasi të tëra kokaine ne kamionë që transportonin banane.

?Me Drejtorin e Përgjithshëm të Doganave dhe të Autoritetit Portual Durrës, bashkë me kolegë të sektorëve të ndryshëm të Policisë së Shtetit, kemi inspektuar disa nga proceset e punës në terren, po kështu dhe procese të punës në sallën e Autoritetit Portual Durrës. Vihet re që ka vend akoma për përmirësim në kuadër të bashkëpunimit dhe shkëmbimit të informacionit, po kështu dhe shfrytëzimin e të gjitha databazave të institucioneve të ndryshme, kjo në funksion të rritjes së nivelit të sigurisë në Portin Durrës, për parandalimin dhe dokumentimin e akteve kriminale, trafiqeve të paligjshme, po kështu dhe çdo akt tjetër kriminal që mund të cenojë sigurinë kombëtare të vendit tone?, ka thënë Nano.

Më tej Nano ka thënë se Policia e Shtetit gjithmonë do të mbetet e hapur dhe bashkëpunuese në këtë drejtim, duke i mirorganizuar të gjitha burimet e saj njerëzore, po kështu vënien në shërbim për këtë qëllim të të gjitha kapaciteteve që ka, edhe të sistemeve të inteligjencës artificiale, nëse mund ta quaj kështu, gjë e cila është një fokus dhe një prioritet i qeverisë shqiptare në këtë drejtim./CNA.al

Lajmet e fundit nga