web counter
LEXO PA REKLAMA!

SHKARKO APP

App Store
Google Play

E fundit!

x

Prokurorët e SPAK kërkojnë mandat të përjetshëm

16 Nëntor 2021, 14:13, Aktualitet CNA

SPAK nuk ndalet me kërkesa.

Të gjitha bëhen njëra pas tjetrës dhe të gjitha bëhen me premtimin se pasi tu plotësohet, këta të SPAK do fillojnë të bëjnë punën.

Pasi kërkuan rritje me 80% plus të rroges me justifikimin se kishin shumë ngarkesë dhe pak staf, morën rritjen (pothuaj dyfishim) e pagës.

Pasi morën pagat e rritura, (ngaqë nuk kishin staf), kërkuan rritje të numrit të stafit dhe e morën numër të rritur të stafit.

Pastaj kërkuan zyra të reja dhe makina se s’kishin lekë të mbanin shofer.

Tani kërkojnë që të rrinë gjithë jetën si prokurorë në SPAK!

Dhe me gjasë do e marrin!

Por fakti që po kërkojnë kaq shumë dhe pa turp ka vetëm 1 shpjegim:

Prokurorët e SPAK kanë dosje të Ramës dhe ministrave të Ramës mbi tavolina.

cna news, cna lajme, lajme cna, lajme flash cna, cna.al, cna lajme politike,Nëse mazhoranca nuk ka dosje në SPAK atëherë duhet të mbrojë afatet e mandateve sipas teksteve të reformës.

Nëse argumentat e prokurorëve të SPAK qenkan të pakundërshtueshme, atëherë ndryshimi i ligjit vlen për të tjerët.

Të atyre që do emërohen pas këtyre .

Këta nuk e meritojnë!

Nëse kërkesat i kanë parimore atëherë plotësimi i tyre vlen për ata që do caktohen rishtazi.

Jo për këta!

Nëse ju plotësohet edhe kjo kërkesë, ajo që do vijë më pas është e qartë.

Këta kanë kapur Qeverinë.

Ndaj si çmim do fillojnë të kërkojnë që të fitojnë tenderat e rrugëve, aeroporteve, PPP-ve.

Deri tani nuk dihet nëse do fillojë të funksionojë dhe kur do fillojë të funksionojë kjo drejtësia e re.

Por ajo që po duket, është që kjo e reja është 10-fish më e shtrenjtë se e para.

Në çdo kuptim!/CNA.al





Lajmet e fundit nga