“Zevzek-zuzarët që të nxijnë jetën”/ Gazetari kap “mat” DPSHTRR, zbulon një zgavër korrupsioni

16 Nëntor 2021, 12:26, Aktualitet CNA

Gazetari Klodian Tomorri ka reaguar në lidhje me vendimin e DPSHTRR, e cila njofton se për rinovimin e lejes së drejtimit, nga dhjetori 2021 do të nisë ?ofrimin e DETYRUAR të freskimit të njohurive dhe informacioneve më thelbësore mbi sigurinë rrugore?.

Pra, sipas gazetarit ajo që po bën DPSHTRR, është krijimi I një tjetër zgavër korrupsioni.

?Zevzek-zuzarët e institucioneve

Ti mund të kesh 30 vjet që qarkullon me automjet. Ndoshta dhe më shumë. Por kur të vije koha për të rinovuar patentën do të të marrin në provim. Një nëpunës i DPSHTRR-se do qëndrojë përballë teje si aga dhe do të të marrë në pyetje. Me pak fjalë provim për herë të dytë për patentën. Një hallkë burokratike më shumë, një zgaver korrupsioni më tepër.

Sigurisht që këta e kanë gati justifikimin se pse u shtojnë hallet njerëzve. Gjithmonë e bëjnë për interesin publik, për të ulur numrin e aksidenteve në rruge etj etj.?-shkruan gazetari.

Më tej, ai i drejton disa pyetje DPSHTRR-së, ndërsa thekson se ?Mbi bazën e cilit studim e vendosi Drejtoria e Transportit Rrugor këtë masë?

A mund të thotë DPSHTRR-ja se sa aksidente ndodhin për shkak se drejtuesit e automjeteve nuk njohin sinjalistiken apo bazën teorike?

Sa aksidente ndodhin për shkak të pakujdesisë? Sa për shkak të alkoolit? Dhe sa për shkak të shkeljes së rregullave të qarkullimit me qëllim, pra jo nga mosnjohja?

Ata nuk e dinë, por sërish duan të shtojnë hallka burokratike mbi qytetarët.

Tani, meqë DPSHTRR-ja digjet për interesin publik dhe për hallet e popullit lind edhe një pyetje tjetër.

Po atë koncesionin e bazës së të dhënave të kolaudimit për çfarë e propozoni çdo vit në buxhet?

Për çfarë ngulmon aq shumë DPSHTRR-ja për ta kaluar atë koncesion?

Cili është motivi që DPSHTRR do t’u ngarkojë qytetarëve një faturë 165 milionë euro për t’ia kaluar njëprivati? Apo dhe këtë e bën për interesin publik??.

Po ashtu, gazetari Tomorri akuzon zyrtarët, të cilët i cilëson si ?zevzek-zuzarët?, që përtej vjedhjet, edhe po i nxijnë jetën këtij populli.

?Ky vend ka parë nga të gjitha sojet dhe takemet e ofiqarëve. Ka parë nga ata që vjedhin, ka parë nga ata që i nxijnë jetën me masa idiote. Por ka dhe nga këta që edhe të vjedhin edhe të nxijnë jetën. Këta janë zevzek-zuzarët.?-përfundon postimin e tij Klodian Tomorri./CNA.al

Do të merrni apo rinovoni patentën?/ DPSHTRR bën njoftimin e rëndësishëm