web counter
LEXO PA REKLAMA!

SHKARKO APP

App Store
Google Play

Luljeta Bozo thirrje qeverisë/ Pensionet qesharake, të merren masa

16 Nëntor 2021, 13:25, Aktualitet CNA

Deputetja socialiste Luljeta Bozo gjatë fjalës së saj sot në Kuvend, ka komentuar projekt-buxhetin e vitit 2022, duke u ndalur te pensionistët.

Nga Foltorja e Kuvendit, Bozo ka thënë se në shumë raste, pensioni është i pamjaftueshëm për të garantuar jetesën, nëse shumë nga mbi 500 mijë pensionistë nuk u ndihmojnë fëmijët.

Ajo kërkoi të rishikohen një sërë politikash, për përmirësimin e kësaj gjendjeje.

Bozo i ka cilësuar si qesharake pensionet, ndërsa shtoi se duhet të merren masa konkrete për këtë kategori.

?Kemi mbi 500 mijë pensionistë që janë një pasuri e madhe kombëtare. Në buxhet janë parashikuar dy masa, indeksimi i pensionit sipas shkallës së inflacionit dhe bonusi i Vitit të Ri. Kjo është një gjë e mirë por e pamjaftueshme. E them këtë se një pjesë e madhe e pensionistëve, megjithëse kanë punuar një jetë të tërë marrin një pension qesharak dhe po s?patën mbështetjen e fëmijëve të tyre, vështirë se e përballojnë jetesën.

Ndaj mendoj që këtë gjendje mund ta përmirësojmë. Të rishikohet dhe regullohet legjislacioni për pensionistët. Të shikohet nga ekpertët sa është minimumi jetik dhe pensioni të mos jetë më i vogël se aq. Shërbimi shëndetësor falas pavarësisht se është futur në legjislacion duhet të kontrollohet nëse është i tillë në praktikë. Të merren të gjitha ilaçet e rimbursueshme, ose të zgjerohet kjo listë. Kemi akoma pensionistë që duhet të vihen në shërbim të vendit se kanë ende për të dhënë, dhe për këtë të shpërblehen. Të shtohet numri i qendrave sociale.

Buxheti është i mirë studiuar, ndaj kërkoj që ta votojnë të gjithë.?-tha Bozo.





Lajmet e fundit nga