web counter
LEXO PA REKLAMA!

SHKARKO APP

App Store
Google Play

E fundit!

x

Dhuna verbale në Parlament/ Sociologu Tushi: Duhet të përplasen idetë, jo njerëzit

16 Nëntor 2021, 15:49, Aktualitet CNA

Sociologu Gëzim Tushi e cilëson sjellje të shëmtuar dhe të neveritshme gjuhën e përdorur në sallën e Parlamentit nga deputetët.

?Është një sjellje që jo vetëm turpëron ata individualisht me atë gjithë vulgare, por kjo sjellje banale dhe e dhunshme transmetohet dhe në shoqëri?, tha z. Tushi.

Sipas sociologut, politikanët në Shqipëri e kanë kthyer në normë përdorimin e dhunës verbale dhe fizike në debatin politik në një kohë kur duhet të kishte përplasje të mendimit.

?Mungesa e argumenteve është një nga arsyet. Mendoj se që nga vitet 1990 është ndërtuar një koncept shumë i gabuar për luftën politike. Nuk përplasen njerëzit përplasen idetë. Nëse duam të gjejmë zgjidhjen për problemet e shumta që ka shoqëria shqiptare në ekonomi, kulturë, arsim e shëndetësisë nuk është fjala që ta bëjmë me boks, por të jepen argumente?, tha z. Tushi.

Gjatë një interviste për Euronews Albania, sociologu shtoi se kjo ndikon edhe në mungesë e komunikimit mes njerëzve pasi më parë janë të gatshëm të zihen dhe të rrihen në vend të përdorim forcën e argumentit përdorim forcën fizike. E gjitha kjo ka krijuar dhe perceptimin se që të jesh i suksesshëm duhet të jesh i fortë.

?Në shoqërinë tonë është krijuar ideja se njeriu i fortë është njeriu i suksesshëm. Konceptin e të fortit e kemi tek forca fizike dhe jo tek forca mendore. Kjo pastaj çon që nga bullizmi në shkollë e deri tek bullizmi në Parlament apo në vendin e punës. Në Parlament po shohim një debat pa kulturë gjuhë e ashpër dhe e egër. Po dëmtohet rëndë cilësia e jetës. 140 deputetët duhet të ishin njerëzit më por duket që nuk janë në nivelin e duhur?, përfundoi z. Tushi./euronews





Lajmet e fundit nga