E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Doli në përgjimet për Rezart Taçin?/ Braçe plas “bombën” në Kuvend: Do ua provoj pagesat cash

16 Nëntor 2021, 10:58, Politikë CNA

Ish-zv.kryeministri Erion Braçe ka reaguar me tone të forta pas deklaratës së bërë nga deputeti i PD, Ervin Salianji, i cili e akuzoi se ka dalë në përgjimet për Rezart Taçin.

Braçe mohoi akuzat e drejtuara nga Salianji, ndërsa bëri edhe një denoncim të fortë.

Deputeti socialist tha se në sallën e Kuvendit, ka njerëz që paguhen për të shpërndarë akuza. Ndërsa shtoi se do ta provojë me fakte, se paguhen cash.

?Me thënë të drejtën po bëhet hera e disatë që këtu diskutohet për etikë, por e gjithë etika mori fund në momentin që fluturoi fleta e ofendimit për femrat.

Së dyti unë erdha këtu sot për të folur për buxhetin, kisha një qëllim dhe doja që të shkoja deri në fund. Që të flisja për bujqit, se sa i interesuar jam unë askush nuk e gjykon dot dhe asnjë nuk e di. Po e përsëris faleminderit që më dhatë mundësinë ta çoj deri në fund.

Sai takon dokumentit te përgjimit të Rezart Taçit, mban datën 18 tetor 2021.

Atë dokument unë e zotëroj të plotë, germë për germë.

Dhe ju kujtoj se unë nuk kam qënë zv.kryeministër. Që në 9 shtator kur është betuar qeveria, roli im ka qënë thjeshtë deputet i sallës së Kuvendit.

Në këtë sallë ka njerëz që paguhen për të shpërndarë akuza. Do tua provoj që paguhen në cash. Këto historira përfundojnë tek dita e pagesës cash.

O kam folur unë për privatizimin e ARMO, transaksionet të gjitha ngjarjet, mes të cilave edhe shumë tragjike, o nuk ka folur njeri në këtë sallë. E kam denoncuar edhe në prokurori. Por, një prokuror e mori dosjen dhe fshiu gojën.

Aty e keni ARMO-n, një varr i hapur mes asaj partie.

Mes meje dhe Taçit na dan një oqean.

Dhe e fundit, faleminderit për zyrën që më keni dhënë por është deri në tavan me dosje?-tha Braçe.

Ndërsa pas fjalës së Braçes, ka reaguar sërish deputeti Salianji, i cili tha se ?Doni të bëni zhurmë që të largoni vëmendjen e qytetarëve nga buxheti, gjoja bëni si të shqetësuar, por ju talleni sepse thoni rrisni buxhetin e ndihmës sociale kur në fakt veproni në kurriz të bizneseve.?/CNA.al