Abuzimi me pronat/ Gjashtë persona kallëzohen në SPAK

16 Nëntor 2021, 11:24, Politikë CNA

Abuzimi me pronat/ Gjashtë persona kallëzohen në SPAK

Ministri i Drejtësisë, Ulsi Manja në një deklaratë për mediat, sot ka denoncuar dy raste të abuzimit me pronat.

Po ashtu ministri theksoi se, 6 punonjës të Kadastrës kallëzohen në SPAK nga Ministria e Drejtësisë pasi kanë shpërdoruar detyrën duke legalizuar ndërtimin e një kati shtesë në shkollën e fshatit Ishëm.

Manja tha se të gjitha këto veprime janë kryer nga një person i Kadastrës, ku këtë pronë e ka dhënë për 3 pronarë të ndryshëm, një herë në emër të shtetit dhe dy herë në emër të dy qytetarëve të ndryshëm.

Manja tha se i ka kallëzuar në SPAK dhe se me to do të merret drejtësia.

?Rasti i parë ka të bëjë me njësinë administrative ISHEM, Durrës. Është legalizuar një vend brenda një kopështi publik, ndërtimi pa leje është bërë direkt mbi kopshtin, është shtuar një kat, aty ku mësojnë fëmijët e kësaj njësie.

Legalizimi është bërë në mënyrë abuzive, zyrtarët që do të denoncohen sot në SPAK e kanë marrë legalizimin për privatin. Kemi dërguar në prokurori 6 persona, punonjës aktual e jo vetëm. Me veprimet e tyre shpërdoruan detyrën në mënyrë flagrante.

Rasti i 2, i përket drejtorisë rurale numër 2. Në kartelën manuale të pasurive, prona rezulton shtet, ndërsa rezulton në emër të një qytetari i cili nuk ka bërë kërkesë. Në listën e trojeve, kjo pasuri një herë është në emër të një qytetari, një herë shtet, një herë në emër të një qytetari tjetër. Janë kryer veprime për sekuestrimin e tokës. Të gjitha këto janë kryer nga një person i vetëm. I njëjti person që ka kryer të njëjtat gjëra për të regjitruar pronat. Këto raste janë të parat për të cilat njësia antikorruopsion ka përfunduar hetimet, janë firmosuar kallëzime.

Për rastin e Ishëm, ka të bëjë me faktin se është në zonë bregdetare?-tha Manja.

Më tej, ministri theksoi se njësia antikorrupsion duhet të vijojë me hetimet, ndërsa i drejtoi një apel edhe punonjësve.

?Dua të bëj një thirje për punëtorët e thjeshtë: Mos bini pre e presionit të kolegeve që kanë interesa të tjera. Thirrje edhe për punonjësit e arkivave në Kadastra, mos lejoni asnjë të fusë duart në dokumentat e arkivuara. Kadastra është një institucion publik që përmban material si për shtetin edhe për njerezit?-deklaroi Manja./CNA.al