LEXO PA REKLAMA!

SHKARKO APP

E fundit!

x

Nga operacioni në zemër te thirrja në kombëtare, Gallagher një histori suksesi

14 Nëntor 2021, 17:32, Sport CNA
Nga operacioni në zemër te thirrja në kombëtare, Gallagher

Një histori e vërtetë suksesi na vjen nga Anglia dhe mban emrin e Conor Gallagher. Talenti në pronësi të Chelsea që është huazuar te Crystal Palace është grumbulluar nga kombëtarja angleze për herë të parë në karrierën e tij.

Megjithatë, ajo që e bën më të veçantë këtë histori është problemi që ai ka kaluar pak vite më parë ku është detyruar të kryejë dhe një operacion në zemër. 21-vjeçari që është shpallur më parë edhe kampion bote me moshat kur ishte 17 vjeç, e pa karrierën e tij të kthehej përbys për shkak të një problemi kardiak.

Gjatë një grumbullimi me Anglinë U-19 ai pati shqetësime në zemrën e tij çka e detyroi të kryente një operacion. Megjithatë, operacioni shkoi mirë dhe nuk i kushtëzoi atij karrierën. Tashmë, disa vite më vonë, Gallagher është kthyer në një yll te Crystal Palace dhe ka shansin e jetës për të përfaqësuar kombëtaren e tij në sfidën ndaj San Marinos. Ai do të zëvendësojë mesfushorin tjetër në pronësi të Chelsea, Mason Mount.

Lajmet e fundit nga