LEXO PA REKLAMA!

SHKARKO APP

Kombëtarja kryen stërvitjen e parë në Shqipëri para ndeshjes me Andorrën

13 Nëntor 2021, 21:18, Sport CNA
Kombëtarja kryen stërvitjen e parë në Shqipëri para

Përfaqësuesja shqiptare është kthyer sot në vendin tonë dhe ka filluar menjëherë përgatitjet për ndeshjen e fundit të kualifikueseve të Botërorit ndaj Andorrës.

Ashtu siç pritej, mungonin të gjithë lojtarët titullarë të sfidës së djeshme, të cilët janë lënë pushim nga tekniku Reja. Në fushën stërvitore kanë qenë vetëm ata që luajtën si zëvendësues apo nuk u aktivizuan në sfidën e mbrëmshme në Uembli.

Mes lojtarëve ishte edhe një nga tre emrat e rinj që u grumbulluan nga Reja mes emergjencës së mungesave në radhët e kombëtares, pasi Taulant Seferi i është bashkuar me shpejtësi përfaqësueses kuqezi. Ndërkohë, pritet që ekipit t?i bashkohen edhe Muçi e Çokaj.

Lojtarët zhvilluan një ndeshje të vogël kontrolli mes tyre, ku për shkak të numrit të vogël të lojtarëve të pranishëm u aktivizua edhe Ervin Bulku. Ky i fundit tregoi se mbetet në formë të mirë edhe pse ka lënë prej vitesh futbollin, duke gjetur rrjetën në këtë ndeshje mes grupit kuqezi.

Lajmet e fundit nga