web counter
LEXO PA REKLAMA!

SHKARKO APP

App Store
Google Play

E fundit!

x

FALEMINDERIT DUA LIPA!/ MËSHIRË PËR MBROJTËSIT E DIKTATURËS!

15 Korrik 2026, 11:26, Opinione Besim Ndregjoni

FALEMINDERIT DUA LIPA!/ MËSHIRË PËR MBROJTËSIT E

Pushteti nuk po dëgjon sepse nuk kupton heshtjen e rëndë të krimit që u bëhet shqiptarëve! Shqiptarët e etur për liri po demonstrojnë sakrificën, dinjitetin, besën e tyre, për të ndryshuar vendin e tyre, por në këto ditë të nxehta të motit, përveç diktaturës dhe pushtetit të Edi Ramës që harxhon milionat e taksapaguesve shqiptarë për të nderuar një këngëtar antisemit që në shumë vende demokratike nuk pranohet për urrejtjen që tregon ndaj jetëve të humbura njerëzore, është i vetmi Kryeministri Edi Rama që e promovon me fondin e emergjencës për t’iu kundërvënë uraganit të lirisë që i kërkojnë dorëheqjen e panegociueshme si Kryeministri më i korruptuar në Europë dhe për kthimin e sistemit stalinist në qeverisjen e vendit!

Propagandës diktatoriale i janë bashkëngjitur edhe deputetët e PD-së së bashku me Edmond Spahon! Këta deputetë nuk janë dakord me urdhrin e kryetarit të PD-së, dr. Berishës, që të bojkotojnë Parlamentin e krimit dhe t’i mbështeten protestës kombëtare me përmasa botërore. Këta deputetë paskan bërë një deklaratë që nuk duhet të ndalohemi të debatojmë në Parlament, të mjerët deputetë kanë 15 vite që PS i tall, u ndalon fjalën, nuk i lejon as të bëjnë pyetje, as të flasin për protestën e Shqipërisë së re, idhnakët deputetë të PD-së, populli nuk i ka votuar, janë deputetë partie, janë të kënaqur me diktaturën e Edi Ramës.

Debatin e duan këta mjeranë ta bëjnë për të mbrojtur rrogat e majme, jo për lirinë e shqiptarëve, po sot në mbrojtje të tyre doli për së dyti radhazi ish-kuadri i shquar i Partisë së Punës së Shqipërisë, Edmond Spaho, që i bënte thirrje Ramës: “mos jep dorëheqje”! Spaho, thirrja jote është në humnerën e komunizmit. Rama do të japë dorëheqje dhe ti do të mbahesh mend si Bardhyl Haskoja i Partisë së Punës së Shqipërisë në Parlamentin e vitit 1991.

Gjenerata Z, populli i Tiranës, nuk po zmbrapsen nga zërat e kukuvajkave të PD-së e të mbeturinave të komunizmit! Televizionet kombëtare i fillojnë lajmet me atletet e Kryeministrit dhe i mbyllin me mbledhje të kryetarëve të bashkive që numërojnë financa marramendëse të pasuruar me pushtet e korrupsion!

Shqiptarët që kaluan kalvarin e përçmimit  të diktaturës, shohin me keqardhje se si TV kombëtare janë kthyer në shërbim të diktaturës si TVSH-ja e Fatmir Kumbaros në vitet ’90. Sot gazetarët e diktaturës janë shkrirë njësh me rilindjen komuniste, dhe të shpërndarë nëpër mediat kombëtare e portale të financuara nga korrupsioni ekstrem financiar i inceneratorëve luftojnë me çdo mjet që të mos lindë Shqipëria e re.

Kështu veproi Erion Braçe, ish-kryeredaktori i gazetës famëkeqe komuniste 50-vjeçare “Zëri i Popullit” kundër gazetarit të medies së lirë, zëri i së vërtetës, pasqyrimi madhështor i protestës për 45 ditë rresht në Bulevardin e Tiranës, duke cenuar gazetarin e kësaj medieje se pse i kërkonte një intervistë, harbuti ideologjik i mësuar me urrejtjen e “Zërit të Popullit” fyente pa përgjegjësi si gazetarin Marsel Rupin, dhe emigrantin nga Anglia.

Helmi i Hamdi Jupes, Erion Braçe, Frrok Cupi, Martin Leka e shumë të tjerë vetëm komunizmi të mos zhdukej nga Shqipëria dhe Rama të sundojë si Sulltan, propaganda e tyre, jo vetëm s’i kanë ndaluar shqiptarët që kërkojnë dorëheqjen e diktatorit të fundit stalinist në Europë, por ka ndërgjegjësuar shqiptarët për të zhdukur nga politikëbërja establishmentin politik komunist që sundon Shqipërinë për 35 vite!

Çfarë ndodhi me kalemxhinjtë postkomunistë Blendi Fevziu, Ben Blushi, Skender Mingjozi, Sokol Balla e disa të tjerë? Këta ndoqën rrugën e pasurimit si puthadorë të pushtetit mbasi u bënë protagonistë të vitit të zi të ‘97 dhe e dërguan Shqipërinë në luftë civile. Vetëm partia e Enver Hoxhës të vinte në pushtet iu vërsulën financave qeveritare duke u bërë propagandistët kryesorë të mbajtjes peng të demokracisë. Dhe sot po të ketë drejtësi të re dhe të bëhet vetingu të gjithë këta gazetarë të pushtetit dalin jashtë sistemit se nuk mund të justifikojnë pasuritë përrallore që i kanë vënë nga përkrahja e financimi i qeverisë së Kryeministrit Edi Rama!

Që kur filluan protestat për Shqipërinë e re dhe zhdukjen nga politika të establishmentit komunist të instaluar gjatë tri dekadave, gazetarët e financuar nga qeveria komuniste aktuale çdo orë, çdo ditë, hedhin helmin kundër Shqipërisë së re! Së bashku me këto mostra të patronazhistëve të sunduesit i janë bashkuar edhe ca gazetarë të Kosovës si Berat Buzhala, një Albatros, Baton Haxhiu dhe në fund një i ashtuquajturi Profesor Blerim Latifi që shqiptarët që luftojnë për liri, ky fare me nder Profesori i quante fashizëm.

Urrejtja e Profesorit nga Prishtina për bashkëkombësit e tij se duan liri, se duan një Shqipëri demokratike, ishte fashizëm. O Zot ruaje Profesorin nga lajthitja mendore. Profesor nëse të ka mbetur ndonjë fije dinjiteti si shqiptar kërkoji falje Gjeneratës Z në Tiranë që po ndryshon Shqipërinë pa ideologjinë kriminale të komunizmit 80-vjeçar. Po ku e di ti Profesor se çfarë krimesh ka kryer partia e Edi Ramë për 80 vite në Shqipëri?!

Uragani i lirisë shqiptare i udhëhequr nga Gjenerata Z po i tregon botës se liria është shenjtëria e kombit shqiptar dhe për Kosovën Prof. Latifi. Këtij misioni iu bashkua artistja me famë botërore Dua Lipa, e cila me vizionin e saj kombëtar, me largpamësinë e saj kulturale si mbrojtëse e denjë e lirisë, e përkrahu misionin e Shqipërisë së re të bashkëmoshatarëve të saj në Tiranë! Faleminderit Dua Lipa për kontributin që jep për lirinë e shqiptarëve që janë peng i komunizmit të Edi Ramës. Shqipërisë së re i janë bashkuar ajka e intelektualëve shqiptarë, akademikë e profesorë, që japin dijen nëpër universitetet e botës demokratike!

Këta korifenj të dijes, do të jenë pjesë e Shqipërisë së re që po lind me diell lirie. Mëshiroji Profesorët e Tiranës e të Prishtinës që po perëndojnë në errësirën komuniste me Shqipërinë e vjetër!/ CNA





Lajmet e fundit nga