LEXO PA REKLAMA!

SHKARKO APP

E fundit!

x

Çuçi e Kumbaro “ultimatum” Policisë/ Ndëshkim për autorët e krimeve mjedisore

10 Nëntor 2021, 10:36, Aktualitet CNA
Çuçi e Kumbaro “ultimatum” Policisë/

Ministri i Brendshëm, Bledi Çuçi dhe Ministrja e Turizmit dhe Mjedisit, Mirela Kumbaro zhvilluan një takim me drejtuesit Qendrorë, Vendorë dhe të Kufirit në Policinë e Shtetit.

?Për çdo metër katror territor dhe dëmtim që ndodh në të, do të ketë përgjegjës dhe përgjigjegjësi të punonjësve të policisë. Nuk do të ketë asnjë tolerim, por ndëshkim të ashpër ligjor për ndotje të mjedisit, prerje pyjesh apo dëmtim të lumenjve?, deklaroi Çuçi.

Nga ana tjetër, Ministrja e Mjedisit Kumbaro nënvizoi se përmes akteve ligjore, që janë duke u hartuar nga grupet e punës nga njëra anë dhe bashkëpunimit e koordinimit më të mirë në terren të strukturave të mjedisit, IKMT dhe Policisë së Shtetit, lufta ndaj krimeve mjedisore do të zhvendoset në një fazë të re, intensive.

?Në këtë angazhim do të ketë një rol më aktiv të Bashkive, si përgjegjëse për territorin, por roli i qeverisë qendrore do të jetë më i fortë në mbrojtjen e kujdesin ndaj mjedisit?, tha Kumbaro.

Drejtori i Përgjithshëm i Policisë së Shtetit, Gledis Nano tha se Policia e Shtetit, e cila zbulon ngjarje kriminale shumë të sofistikuara, i ka të gjitha kapacitetet për të gjurmuar dhe ndëshkuar edhe këtë natyrë krimi.

?Aktualisht strukturat vendore të Policisë janë duke u angazhuar mbi disa plane masash, për mbrojtjen më të mirë të territorit, duke u ndalur tek ndërtimet pa leje, ndotjen e mjedisit apo dëmtimin e prerjen e pyjeve?, deklaroi Nano./CNA.al

 

 

Lajmet e fundit nga