LEXO PA REKLAMA!

SHKARKO APP

Mungojnë avokatët/ Gjykata e Lartë shtyn seancën për Lulzim Berishën  

9 Nëntor 2021, 09:59, Kronika CNA
Mungojnë avokatët/ Gjykata e Lartë shtyn seancën për

Gjykata e Lartë ka shtyrë sërisht sot seancën për Lulzim Berishën, ish kreun e bandës së Durrësit.

Avokatët mbrojtës të tij nuk kanë marrë pjesë sot dhe seanca e rekursit është shtyrë, për një datë të dytë brenda muajit nëntor.

Seanca e radhës, e cila është e treta në radhë pasi dy të parat kanë dështuar, u caktua më 23 nëntor, ora 09:30.

Kujtojmë këtu se për të gjykata e Lartë shqyrton një rekurs të prokurorisë së Durrësit lidhur me lirimin e tij me kusht në vitin 2016.

Lulzim Berisha akuzohej si kreu i ?Bandës së Durrësit?, një organizatë kriminale që merrej me trafik ndërkombëtar droge, prostitucion dhe trafik armësh. Ai konsiderohet person me rrezikshmëri të lartë shoqërore, dhe i shpallur fajtor për akuzat e vrasjes, drejtimit të grupit kriminal,etj.

SPAK akuzon Lulzim Berishën, Emiljano Shullazin dhe bandat e tyre të përfshirë në dy vrasjet e  bujshme atë të Vajdin Lamajt dhe Klodjan Saliut para disa vitesh.

Banda e Durrësit nisi të veprojë në Durrës prej vitit 1998, kur Lulzim Berisha, në bashkëpunim me Plaurent Dervishaj, Adriatik Colin, Klodian Saliun dhe Ilir Xhungën vranë me armë zjarri Dritan Sallakun. Seriali i vrasjeve u bë edhe më i qartë kur në pranverën e vitit 2006 u arrestuan shtatë persona, mes të cilëve katër të akuzuar si vrasës me pagesë./CNA.al

Lajmet e fundit nga