Takim anti-shqiptar/ Projekti ruso-turk në Maqedoninë e Veriut shkakton trazira

6 Nëntor 2021, 17:09, Kosova & Bota CNA

Takim anti-shqiptar/ Projekti ruso-turk në Maqedoninë e Veriut

Pas dorëheqjes së kryeministrit Zoran Zaev i cili vendosi që të largohet nga posti i kryeministrit dhe kryetarit të LSDM, pas humbjes së thellë në zgjedhjet lokale janë takuar tre parti shqiptare dhe dy maqedonase.

Ky takim është konsideruar si anti-shqiptar sepse partitë maqedonase synojnë anullimin e gjuhës shqipe, heqjen e marrëveshjes në fuqi për sa i përket Ohërit, largimin nga NATO dhe mos njohjen e Kosovës.

Partia ?Besa? e Bilall Kasamit, ?Aleanca? e Ziadin Selës dhe ?Alternativa? e Afrim Gashit janë takuar ditën e djeshme me ?VMRO DPMNE? nacionalistë të Hristijan Mickovskit dhe me partinë fashiste ?Levica? të Dimitar Apasiev, për të dhënë firmat e tyre kundër qeverise pro-evropiane.

Takimi mes tyre është shpërndarë kudo në media dhe nuk kanë munguar komentet të cilat e etiketuan këtë takim si antishqiptar.

Sepse këto parti së bashku kanë 61 deputetë dhe vendimet e marra dëmtojnë edhe Shqipërinë e cila është në pritje të lajmeve pozitive per hapjen e negociatave për antarësim në BE.

Gjithësesi, mediat maqedonase pohojnë se në mesin e atyre partive ka deputetë shqiptarë që j’u vihen kundër dhe nuk përkrahin vendimet e tyre antishqiptare.

?Levica?, partia e majtë që fitoi dy mandate në zgjedhjet e parakohshme parlamentare, krahas përpjekjeve të qarta për anulimin e Marrëveshjes së Prespës dhe rishikimin e Marrëveshjes së fqinjësisë së mirë me Bullgarinë, ofron zgjidhje specifike që mund të shkaktojnë një kthim në politikën e jashtme.

Në fushën e diplomacisë synimet e programit të saj përfshijnë revokimi i njohjeve të Kosovës, Izraelit dhe Koresë së Jugut. Ndryshe nga ndërprerja e marrëdhënieve diplomatike me këto vende, e majta beson se pavarësia e Palestinës, Katalonjës dhe Baskëve duhet të njihet.

Gjithashtu janë pro partneriteti strategjik me PRC.

Kjo parti gjithashtu angazhohet për anëtarësimin e menjëhershëm në NATO dhe tërheqjen e pakushtëzuar të të gjitha forcave të sigurisë nga misionet e huaja ushtarake që nuk kanë mandat të OKB-së.

Sa i përket Bashkimit Europian, e majta mbështet anëtarësimin e Maqedonisë në këtë komunitet, por insiston që procesi i negociatave të vlerësohet duke u shkëputur nga ndikimet e shteteve të tjera, pra individualisht./CNA.al